लाॅकडाऊनच्या चौथ्या टप्प्यात ( Maharashtra Lockdown 4.0 ) काय सुरू राहणार आणि काय बंद राहणार? याबाबतची नवीन मार्गदर्शक नियमावली (guideline) मंगळवार १९ मे २०२० रोजी राज्य सरकारने जारी केली आहे. या नियमावलीनुसार महाराष्ट्रात आता फक्त रेड झोन आणि रेड झोन नसलेले इतर झोन असे दोनच झोन (red and non red zone) राहणार आहेत. या झोननुसार राज्यातील जनतेला अत्यावश्यक सेवा आणि इतर सेवा उपलब्ध होणार आहेत. ही नवीन नियमावली २२ मे पासून लागू होणार आहे.
‘या’ महापालिका रेड झोनमध्ये
कोरोना व्हायरसचा (coronavirus) प्रादुर्भाव रोखण्यासाठी केंद्र आणि राज्य सरकारने जाहीर केल्यानुसार चौथ्या टप्प्यातील लाॅकडाऊन ३१ मे पर्यंत लागू राहणार आहे. या चौथ्या टप्प्यात राज्यात कुठल्या सेवा सुरू आणि बंद राहणार? याकडे सर्वसामान्यांचं लक्ष लागलेलं असताना ही नियमावली जाहीर करण्यात आली आहे. या नियमावलीनुसार मुंबई महानगर प्रदेश, पुणे, नाशिक, सोलापूर, मालेगाव, सोलापूर, जळगाव, अकोला, अमरावती, औरंगाबाद ही महापालिका क्षेत्र रेड झोन म्हणून जाहीर करण्यात आली आहेत. या महापालिकांव्यतिरिक्त राज्यातील उर्वरित भाग रेडझोन बाहेर असतील.
दारूची होम डिलिव्हरी
कंटेन्मेंट झोनमध्ये केवळ जीवनावश्यक गोष्टींना परवानगी असेल, तर ऑरेंज आणि ग्रीन झोनमध्ये बस, टॅक्सी वाहतुकीस मुभा देण्यात आली आहे. रेड झोनमध्ये मद्याची दुकाने सुरू करण्यास परवानगी नसली, तरी दारूच्या होम डिलिव्हरीला मात्र परवानगी देण्यात आलेली आहे.
सेवा | रेड झोन | उर्वरीत भाग | कंटेन्मेंट झोन |
---|---|---|---|
प्रवास-विमान, मेट्रो, रेल्वे | नाही | नाही | नाही |
आंतरराज्य रस्ते वाहतूक | नाही | नाही | नाही |
शैक्षणिक संस्था | नाही | नाही | नाही |
आदरतिथ्य- हाॅटेल्स | नाही | नाही | नाही |
शाॅपिंग माॅल | नाही | नाही | नाही |
धार्मिक स्थळे, एकत्र जमणे | नाही | नाही | नाही |
लीकर शाॅप | होय/होम डिलिव्हरी | होय | नाही |
बाहेर निघण्याची मुभा - वय ६५+, लहोन मुले १०-, गरोदर | नाही | नाही | नाही |
मेडिकल क्लिनिक, ओपीडी | होय | होय | नाही |
टॅक्सी, कॅब, रिक्षा | नाही | १+२ | नाही |
४ चाकी | अत्यावश्यक | १+२ | नाही |
२ चाकी | अत्यावश्यक | १ | नाही |
दोन जिल्ह्यातील बस वाहतूक | नाही | नाही | नाही |
जिल्ह्याच्या अंतर्गत बस वाहतूक | नाही | नाही | नाही |
वस्तूंचा पुरवठा | होय | होय | नाही |
उद्योग (शहर) | अत्यावश्यक | होय | नाही |
उद्योग (ग्रामीण) | नाही | होय | नाही |
शहरी बांधकाम | होय | होय | नाही |
इतर खासगी बांधकाम | नाही | होय | नाही |
शहरातील एकल दुकाने | मर्यादीत | होय | नाही |
जीवनावश्यक वस्तूंची दुकाने | होय | होय | होय |
खासगी कार्यालये | नाही | होय | नाही |
सरकारी कार्यालये | ५ टक्के किमान १० कर्मचारी | होय १०० टक्के | नाही |
ई काॅमर्स जीवनावश्यक वस्तू | होय | होय | नाही |
ई काॅमर्स बिगर जीवनावश्यक वस्तू | होय | होय | नाही |
शेती कामे | नाही | होय | नाही |
बँका-वित्तीय सेवा | होय | होय | नाही |
कुरियर, पोस्ट सेवा | होय | होय | नाही |
वैद्यकीय आपत्कालीन वाहतूक | होय | होय | होय |
बार्बर शाॅप, स्पा, सलून | नाही | नाही | नाही |
मैदाने (प्रेक्षकांविना) | नाही | होय | नाही |
रेस्टाॅरंट होम डिलिव्हरी | होय | होय | नाही |
आरटीओ/डेप्यु.आरटीओ उपनिबंधक कार्यालय | होय | होय | नाही |