सप्टेंबर अखेरपर्यंत नोंदणीकृत 12,000 घरांपैकी 6,238 घरे नवरात्र (navratri) काळात म्हणजेच 22 सप्टेंबर ते 1 ऑक्टोबर दरम्यान विकली गेली.
नवरात्रात आतापर्यंत सर्वाधिक घरांची विक्री (home buying) झाली आहे. गेल्या वर्षी या काळात 5,199 घरे विकली गेली होती. गेल्या वर्षीच्या तुलनेत यावर्षी 20 टक्के वाढ झाल्याचे दिसून येते.
नाईट फ्रँकने प्रकाशित केलेल्या अहवालात ही माहिती देण्यात आली आहे. नाईट फ्रँकने या अहवालात मुंबईतील घरांच्या विक्रीचा तुलनात्मक अभ्यास केला आहे.
त्यानुसार, गेल्या काही महिन्यांत घरांच्या विक्रीत सातत्याने वाढ झाली आहे. मुंबईत एक कोटी किंमत असणाऱ्या घरांना चांगली मागणी आहे.
तसेच अहवालात असे म्हटले आहे की, पाच ते दहा कोटी किमतीच्या घरांचीही आता विक्री होत आहे.
1 ते 2 कोटी रुपयांच्या लहान आकाराच्या 2 बीएचके घरांसाठी खरेदीदारांकडून चांगली मागणी आहे आणि बरेच जण सध्या 10 टक्के ठेव भरून घरांची नोंदणी करत आहेत.
या वर्षी घरांच्या विक्रीमुळे सरकारी महसुलातही 17 टक्क्यांनी वाढ झाली आहे. नवरात्रीत दररोज सरासरी 624 घरांची विक्री झाली. 2024 मध्ये नवरात्रीत सरासरी 578 घरांची विक्री झाली.
अहवालात म्हटले आहे की सप्टेंबरमध्ये पहिल्यांदाच नवरात्रीमुळे 12,000 पेक्षा जास्त घरांची विक्री झाली. 2023 मध्ये नवरात्रीत 4,594 घरांची विक्री झाली.
मागील वर्षांच्या तुलनेत यावर्षी पितृपक्षातही घरांची विक्री वाढली आहे. श्राद्धात मुंबईत 3,368 घरांची विक्री झाली. 2024 च्या तुलनेत ही पाच टक्के वाढ आहे. 2023 मध्ये 3,353 घरांची विक्री झाली.
आतापर्यंतचा अनुभव असा आहे की सप्टेंबर किंवा ऑक्टोबर महिन्यात नवरात्री, दसरा आणि दिवाळीत घरांची विक्री वाढते. जरी पितृपक्षात घरांची विक्री देखील होते, तरीही हा दर कमी आहे.
तथापि, नवरात्रीत घरांची विक्री प्रामुख्याने जास्त असते, असे नाईट फ्रँकचे अध्यक्ष आणि व्यवस्थापकीय संचालक शिशिर बैजल म्हणाले.
मुंबईत घरांच्या विक्रीला चांगला प्रतिसाद मिळत आहे. त्या तुलनेत, मुंबई (mumbai) महानगर प्रदेशातील (MMR) घरांना एकही खरेदीदार मिळालेला नाही.
मे 2025 मध्ये प्रसिद्ध झालेल्या एका अहवालात असे म्हटले आहे की मुंबई महानगर प्रदेशात सुमारे तीन लाख 40 हजार घरे रिकामी आहेत.
हेही वाचा