दादरमधील वाहतूक बदल

मुंबई (mumbai) वाहतूक विभागाने जाहीर केलेल्या सूचनेनुसार,  दादर (पश्चिम) येथील डॉ. अँटोनिया डी’सिल्वा हायस्कूल येथे निवडणूक कार्यालय आणि स्ट्रॉंग रूम उभारण्यात आले आहेत.

13 ते 15 जानेवारीदरम्यान मतदान साहित्य आणि ईव्हीएम मशीनचे (EVM machine) वितरण येथे होणार आहे. 16 जानेवारीला मतमोजणीही याच शाळेत होणार आहे.

या परिसरात 14 जानेवारी सकाळी 8 वाजल्यापासून 16 जानेवारी मध्यरात्रीपर्यंत वाहतूक नियम लागू असतील.

कोणते मार्ग बंद?

• रावबहादूर एस. के. बोले मार्ग: ज्ञान मंदिर चौक ते हनुमान मंदिर चौक

• अशोक वृक्ष रोड: डी’सिल्वा हायस्कूलपासून किर्तीचंद्र सुरेश्वरजी महाराज चौक ते रानडे रोड

• रानडे रोड: बाबा सावरकर चौक ते अण्णा टिपणीस चौक

नो एंट्री / नो पार्किंग

• जी. एम. भोसले मार्गावर वरळी नाका ते कुरणे चौकपर्यंत दोन्ही लेनवर पार्किंग बंद असून एंट्री देखील बंद आहे.

पर्यायी मार्ग

• वरळी नाक्याकडून कुरणे चौकाकडे जाणारी वाहने डॉ. अ‍ॅनी बेझंट रोड किंवा गणपतराव कदम मार्गाने पुढे जाऊ शकतात.

वरळीतील वाहतूक बदल

वरळीच्या जांबोरी मैदानात ईव्हीएम आणि निवडणुकीचे साहित्य वितरण/संकलन केंद्र उभारण्यात येणार आहे.

14 जानेवारी रात्री 12 पासून 15 जानेवारी मध्यरात्रीपर्यंत वाहतूकीच्या मार्गात बदल करण्यात आला आहे.

16 जानेवारीला सकाळी 5 ते मध्यरात्रीपर्यंत बीएमसी इंजिनिअरिंग हब (वरळी) येथे होणाऱ्या मतमोजणीमुळे डॉ. ई. मोझेस रोडवर नो पार्किंग आणि नो एंट्री लागू करण्यात आली आहे.