बोरिवली - सहाय्यक आयुक्त किशोर गांधी अखेर महापालिकेच्या आर/मध्य विभागीय कार्यालयात बुधवारपासून पुन्हा रुजू झालेत. त्यांची तडकाफडकी बदली करण्यात आल्यानं सर्वपक्षीय नगरसेवकांनी मंगळवारी बोरिवली आर/मध्य पालिका कार्यालयाच्या उंबरठ्यावर ठिय्या आंदोलन करून निषेध व्यक्त केला होता. त्यांनंतर महापौर आणि सभागृह नेत्यांनी आंदोलकांची भेट घेऊन किशोर गांधी यांची बदली रद्द झाल्याचं त्यांना सांगितलं होतं.