मुंबई - स्थायी समितीच्या बैठकीत बेस्टच्या अर्थसंकल्प चुकीचा असल्यामुळे परत पाठवण्याची मागणी विरोधी पक्षनेते प्रवीण छेडा यांनी केली होती. नियमानुसार बेस्टच्या अर्थसंकल्प हा किमान 1 लाख शिलकीचा दाखवणे बंधनकारक आहे. परंतु हा अर्थसंकल्प तुटीचा दाखवला होता, जो नियमानुसार चुकीचा आहे. त्यामुळे स्थायी समितीने हा अर्थसंकल्प रेकॉर्ड केला होता. मंगळवारी 2017-18 चा अर्थसंकल्प मांडण्यात आल्यानंतर विरोधी पक्षनेते यांनी हा अर्थसंकल्प बेस्टकडे परत पाठवून देण्याची उपसूचना मांडली. ही उपसूचना मान्य करत हा अर्थसंकल्प पुन्हा बेस्टकडे पाठवून देण्याचा निर्णय घेण्यात आला.