गिरगाव - महापालिकेच्या डी विभागाचे सहाय्यक आयुक्त देवदास क्षीरसागर यांच्या नेतृत्वात पदपथावरील अतिक्रमणे आणि रस्त्यावरील अनधिकृत फेरीवाल्यांविरोधात नुकतीच धडक कारवाई करण्यात आली.
या कारवाईदरम्यान 40 अनधिकृत स्टॉल्स तोडण्यात आले. तसेच 15 विनापरवाना फेरीवाल्यांचे साहित्य देखील जप्त करण्यात आले. ही कारवाई करण्यासाठी महापालिकेचे 20 कर्मचारी, अधिकारी यांच्यासह व्हीपी रोड इथले पोलीस कर्मचारी देखील उपस्थित होते. तसेच या कारवाईसाठी 1 जेसीबी आणि 2 डंपर वापरण्यात आले.