या उपक्रमाअंतर्गत पार्किंग परिसरात स्वच्छता मोहीम, अतिरिक्त प्रकाशयोजना, सीसीटीव्ही कॅमेरे आणि महिला वाहनचालकांसाठी वाढीव सुरक्षा व्यवस्था करण्यात आली आहे. स्थानिक रहिवाशांसाठी मासिक पार्किंग पासवर 50 टक्के सवलत देण्यात आली आहे. पहिल्या टप्प्यात 400 सवलतीचे पास उपलब्ध करून दिले जाणार आहेत.
महापालिका आयुक्त अश्विनी भिडे यांच्या मार्गदर्शनाखाली हा प्रकल्प राबवला जात आहे. अतिरिक्त आयुक्त अभिजित बांगर यांनी सांगितले की, या पार्किंगमध्ये सुमारे 1000 तीन आणि चारचाकी वाहनांसाठी जागा उपलब्ध आहे.
पार्किंग शिस्त सुधारण्यासाठी नो-पार्किंग क्षेत्रांमध्ये लाल-काळ्या रंगाच्या कर्ब मार्किंग्स, ऑड-इव्हन तारखेच्या पार्किंगसाठी विशेष रस्ता चिन्हांकन आणि दिशादर्शक फलकांची संख्या वाढवण्यात आली आहे.
कोतवाल गार्डन, कबुतरखाना, गणेश पेठ गल्ली तसेच टी.आर. सावंत मार्ग आणि बाळ गोविंददास मार्ग परिसरात 200 हून अधिक ‘नो पार्किंग’ फलक लावण्यात आले आहेत. 1 जुलैपासून वाहतूक पोलिसांकडून या भागात नो-पार्किंगमध्ये उभी असलेल्या वाहनांवर दंडात्मक कारवाई केली जाणार आहे.
याशिवाय, वाहनधारकांच्या सोयीसाठी व्हॅलेट पार्किंग सेवा सुरू करण्याचाही विचार सुरू आहे. हा पायलट प्रकल्प यशस्वी ठरल्यास मुंबईतील इतर सार्वजनिक पार्किंग केंद्रांवरही अशाच प्रकारच्या सुविधा विकसित केल्या जाणार आहेत.
हेही वाचा