डोंबिवली (dombivli) रेल्वे स्थानकावरील एका सरकत्या जिन्याच्या (escalator) यंत्रणेत पावसाचे पाणी शिरल्याने तो बंद ठेवण्यात आला आहे.
यामुळे दररोज प्रवास करणाऱ्या हजारो प्रवाशांची गैरसोय होत आहे.
डोंबिवली पूर्व येथील डॉ. रॉथ रोडवर असलेला हा सरकता जिना, साचलेल्या पाण्यामुळे (rain water) यंत्रणेचे नुकसान झाल्याने गेल्या दोन दिवसांपासून बंद आहे.
सुनील नगर, राजाजी पथ, म्हात्रे नगर आणि आयरे गाव यांसारख्या भागांतून रेल्वे स्थानकावर येण्यासाठी प्रवासी मोठ्या प्रमाणावर या जिन्याचा वापर करतात.
हा जिना बंद असल्याने प्रवाशांना शेजारील पायऱ्यांचा वापर करावा लागत आहे.
यामुळे ज्येष्ठ नागरिक तसेच हृदयविकार किंवा श्वसनाचे आजार असलेल्या प्रवाशांची मोठी अडचण होत आहे.
प्रवाशांच्या म्हणण्यानुसार, या भागात मध्यम स्वरूपाच्या पावसानंतरही मोठ्या प्रमाणात पाणी साचते, तर मुसळधार पावसात पाण्याची पातळी तीन ते चार फुटांपर्यंत वाढते.
यंत्रणेत पावसाचे पाणी शिरू नये म्हणून सरकत्या जिन्याच्या विद्युत उपकरणांची उंची वाढवावी आणि पुढील पावसाळ्यापूर्वी यावर कायमस्वरूपी उपाययोजना करावी, अशी मागणी प्रवाशांनी रेल्वे प्रशासनाकडे केली आहे.
हेही वाचा