महापालिकेच्या उद्यान विभागाने मुंबईतील सहा उड्डाणपुलांखाली अभिनव उद्यान उभारण्याचं प्रस्तावित केलं आहे. यामधील ३ उड्डाणपुलांखालील ३१ हजार २१३ चौरस फुटांच्या जागेमध्ये विविध सोयी-सुविधा असणारी ३ उद्यान साकारण्याचं प्रस्तावित करण्यात आलं आहे. तर उर्वरित ३ उद्यानं ही 'व्हर्टीकल गार्डन' म्हणजे उभं उद्यान असणार असून ती उड्डाणपुलाखाली फुलणार आहे. या उद्यानांमध्ये विविध रंगांच्या एलइडी दिव्यांची आकर्षक रोषणाई केली जाणार आहे.
उद्यानांच्या उभारणीसाठी इतका खर्च
मुंबईतील एफ दक्षिण विभागात असणाऱ्या हिंदमाता उड्डाणपूल, जी दक्षिण विभागात असणारा एल्फिन्स्टन उड्डाणपूल आणि डॉ. अॅनी बेझंट मार्गावरील उड्डाणपूल या तीन उड्डाणपुलाखालील एकूण ३१ हजार २१३ चौरस फुटांच्या मोकळ्या जागेत उद्यानांची निर्मिती केली जाणार आहे.
या उद्यानांच्या उभारणीसाठी अंदाजे ४ कोटी ९६ लाख रुपये इतका खर्च येणार आहे. याबाबतची निविदा अंतिम टप्प्यात आहे. निविदा पूर्ण झाल्यावर आणि स्थायी समितीच्या मंजुरीनंतर कार्यादेश देण्यात येणार आहे. कार्यादेश दिल्यानंतर पुढील ३ ते ४ महिन्यांत हे काम पूर्ण होणार असल्याचं अपेक्षित आहे, अशी माहिती उद्यान अधीक्षक जितेंद्र परदेशी यांनी दिली आहे.
उद्यान निर्मिती 'येथे'
हिंदमाता उड्डाणपुलाखालील १२ हजार ९१६ चौरस फुटांच्या जागेत उद्यान निर्मितीशिवाय येथे सौंदर्यीकरण करण्यात येणार आहे. त्याशिवाय छोटा बगीचा, विद्युत दिव्यांची आकर्षक रोषणाई केली जाणार असून याठिकाणी स्केटींग रिंग हे उद्यान आकर्षणाचं केंद्र असणार आहे.
परळ परिसरातमधील सेनापती बापट मार्गावर असणाऱ्या उड्डाणपुलाखालील सुमारे १० हजार ७६३ चौरस फुटांच्या जागेत उद्यान उभारलं जाणार आहे.
डॉ. एॅनी बेझंट मार्गावरील उड्डाणपूलाखालील सुमारे ७ हजार ५३४ चौरस फुटांच्या जागेमध्ये उद्यान उभारलं जाणार आहे. या उद्यानाभोवती विद्युत रोषणाई देखील केली जाणार आहे.
मुंबईतील 'बी' विभागात असणाऱ्या कुतूब-ए-कोकण मगदूमअली महिमी उड्डाणपूल (जे.जे. उड्डाणपूल), 'इ' विभागातील वाय ब्रीज (खडा पारशी उड्डाणपूल) आणि 'जी उत्तर' विभागात कवी केशवसुत उड्डाणपूल या तीन उड्डाणपूलाखालील १९ खाबांवर उभी उद्याने म्हणजे 'व्हर्टीकल गार्डन' उभारण्यात येणार आहे.
महापालिकेच्या उद्यान विभागाने मुंबईतील सहा उड्डाणपुलांखाली अभिनव उद्यान उभारण्याचं प्रस्तावित केलं आहे. यामधील ३ उड्डाणपुलांखालील ३१ हजार २१३ चौरस फुटांच्या जागेमध्ये विविध सोयी-सुविधा असणारी ३ उद्यान साकारण्याचं प्रस्तावित करण्यात आलं आहे. तर उर्वरित ३ उद्यानं ही 'व्हर्टीकल गार्डन' म्हणजे उभं उद्यान असणार असून ती उड्डाणपुलाखाली फुलणार आहे. या उद्यानांमध्ये विविध रंगांच्या एलइडी दिव्यांची आकर्षक रोषणाई केली जाणार आहे.
उद्यानांच्या उभारणीसाठी इतका खर्च
मुंबईतील एफ दक्षिण विभागात असणाऱ्या हिंदमाता उड्डाणपूल, जी दक्षिण विभागात असणारा एल्फिन्स्टन उड्डाणपूल आणि डॉ. अॅनी बेझंट मार्गावरील उड्डाणपूल या तीन उड्डाणपुलाखालील एकूण ३१ हजार २१३ चौरस फुटांच्या मोकळ्या जागेत उद्यानांची निर्मिती केली जाणार आहे.
या उद्यानांच्या उभारणीसाठी अंदाजे ४ कोटी ९६ लाख रुपये इतका खर्च येणार आहे. याबाबतची निविदा अंतिम टप्प्यात आहे. निविदा पूर्ण झाल्यावर आणि स्थायी समितीच्या मंजुरीनंतर कार्यादेश देण्यात येणार आहे. कार्यादेश दिल्यानंतर पुढील ३ ते ४ महिन्यांत हे काम पूर्ण होणार असल्याचं अपेक्षित आहे, अशी माहिती उद्यान अधीक्षक जितेंद्र परदेशी यांनी दिली आहे.
उद्यान निर्मिती 'येथे'
मुंबईतील 'बी' विभागात असणाऱ्या कुतूब-ए-कोकण मगदूमअली महिमी उड्डाणपूल (जे.जे. उड्डाणपूल), 'इ' विभागातील वाय ब्रीज (खडा पारशी उड्डाणपूल) आणि 'जी उत्तर' विभागात कवी केशवसुत उड्डाणपूल या तीन उड्डाणपूलाखालील १९ खाबांवर उभी उद्याने म्हणजे 'व्हर्टीकल गार्डन' उभारण्यात येणार आहे.