या बैठकीच्या अध्यक्षस्थानी दूध उत्पादक व प्रक्रिया उद्योग कल्याण संघटनेचे अध्यक्ष गोपालराव म्हस्के होते.
दूध उद्योगाच्या म्हणण्यानुसार, गेल्या काही काळात उत्पादन आणि वाहतूक खर्चात मोठी वाढ झाली आहे.
डिझेलच्या दरात प्रतिलिटर 10 रुपयांची वाढ
पॅकेजिंग खर्चात सुमारे 30 टक्क्यांची वाढ
दूध खरेदी अर्थात प्रोक्युअरमेंट किंमतीत वाढ
दूध संकलन, प्रक्रिया आणि वितरणाचा वाढता खर्च
या वाढत्या खर्चामुळे सध्याच्या दरात दूध विकणे डेअरी कंपन्यांसाठी आर्थिकदृष्ट्या अडचणीचे ठरत असल्याचे संघटनेने म्हटले आहे.
11 ऑगस्टपासून गायीच्या दुधासाठी प्रतिलिटर 2 रुपये आणि म्हशीच्या दुधासाठीही प्रतिलिटर 2 रुपये अधिक मोजावे लागणार आहेत.
दररोज दूध खरेदी करणाऱ्या कुटुंबांच्या महिन्याच्या किराणा बजेटवर याचा थेट परिणाम होणार आहे.
केवळ दूधच नाही, तर डेअरी उत्पादनांच्या किमतीतही 10 टक्क्यांपर्यंत वाढ होण्याची शक्यता आहे.
दूध हा कच्चा माल म्हणून मोठ्या प्रमाणात वापरणाऱ्या उत्पादनांच्या किमती वाढू शकतात. मात्र, प्रत्यक्ष किती वाढ करायची हे संबंधित उत्पादन आणि डेअरी कंपनीनुसार वेगवेगळे असणार आहे.
प्रतिलिटर 2 रुपयांची वाढ किरकोळ वाटत असली तरी दररोज दूध खरेदी करणाऱ्या कुटुंबांसाठी महिन्याला त्याचा एकत्रित परिणाम जाणवू शकतो. त्यातच दूधापासून तयार होणाऱ्या इतर पदार्थांच्या किमतीही वाढल्यास घरच्या अन्नधान्य आणि किराणा बजेटवर अतिरिक्त भार पडण्याची शक्यता आहे.
म्हणजेच, उद्यापासून महाराष्ट्रात दूध महागणार असून गायीचे आणि म्हशीचे दूध प्रतिलिटर 2 रुपयांनी वाढणार आहे.
हेही वाचा