मुंबई (mumbai)-नाशिक रेल्वे मार्गावर लवकरच मेमू शटल लोकल (mumbai local) सेवा सुरू होण्याची शक्यता आहे. मध्य रेल्वे (central railway) प्रशासनाने या दिशेने एक महत्त्वाचे पाऊल उचलले आहे आणि कसारा घाट सारख्या आव्हानात्मक मार्गावर मेमू लोकलची चाचणी सुरू केली आहे.
यामुळे या दोन्ही शहरांमध्ये प्रवास करणाऱ्या प्रवाशांना आता मेल किंवा एक्सप्रेस गाड्यांवर अवलंबून राहावे लागणार नाही.
गेल्या काही वर्षांपासून रेल्वे प्रशासन मुंबई आणि नाशिक (nashik) दरम्यान लोकल सेवा सुरू करण्याचा प्रयत्न करत होते. परंतु काही तांत्रिक अडचणींमुळे हा प्रकल्प थांबला होता.
आता प्रशासन दिवा-वसई मार्गाप्रमाणे मेमू शटल सेवा सुरू करण्याच्या शक्यतांवर विचार करत आहे. या चाचणीत कसारा घाटातील चढ-उतारांवर मेमू लोकलची (mumbai nashik memu train) क्षमता तपासली जात आहे. या चाचणीत अनेक महत्त्वाच्या तांत्रिक बाबी तपासल्या जात आहेत.
मेमू लोकलच्या चाचणीत काय तपासले जाईल?
ऊर्जेचा वापर- कसारा घाट चढण्यासाठी मेमू लोकलला किती हॉर्सपावरची आवश्यकता असते?
प्रवासी क्षमता - चढाईवर प्रवासी भार असलेली लोकल किती वेगाने धावू शकते
तांत्रिक समस्या - घाटांच्या बोगद्यांमध्ये आणि उतारांमध्ये काही तांत्रिक अडचणी आहेत का हे तपासले जात आहे.
हॉर्सपावर क्षमता - या चाचण्यांमध्ये मेमू लोकलची अश्वशक्ती क्षमता (5,400 टन) आणि वजन (500 टन) यासारख्या गोष्टी तपासल्या जात आहेत. कसारा घाट चढण्यासाठी वजन क्षमतेच्या दुप्पट आणि मेमू लोकलसाठी चार पट आवश्यक आहे.
मेमू लोकलची (memu local train) रचना वंदे भारत एक्सप्रेससारखीच आहे आणि त्यात 19 कोच असण्याचा प्रस्ताव आहे. यात 6 मोटर कोच आहेत जे लोकलला गती देतात. यामुळे ही लोकल ट्रेन जलद आणि अधिक कार्यक्षम होण्याची अपेक्षा आहे.
हेही वाचा