या अपघातात बेस्टची ओलेक्ट्रा कंपनी निर्मित इलेक्ट्रिक बस नियंत्रणाबाहेर गेल्याने एका दुचाकीस्वाराचा मृत्यू झाला. तर सहा जण जखमी झाले होते. ही घटना सोमवारी सकाळी सुमारे 9.30 वाजता घडली होती.
RTO अधिकाऱ्यांनी बसची तपासणी केल्यानंतर ब्रेक, गिअरबॉक्स किंवा हँडब्रेकमध्ये कोणताही तांत्रिक बिघाड आढळला नसल्याचे नमूद केले आहे. अपघातामुळे बसमधील अंतर्गत वायरिंग तुटल्याने इलेक्ट्रिक बसची प्रत्यक्ष रस्त्यावर चाचणी घेणे शक्य झाले नाही. त्यामुळे बस स्थिर अवस्थेत ठेवूनच यांत्रिक तपासणी करण्यात आली.
प्राथमिक अहवालानुसार, हा अपघात मानवी चुकीमुळे घडल्याची शक्यता व्यक्त करण्यात आली आहे. चालक घाबरल्याने ब्रेकऐवजी चुकून अॅक्सिलरेटर दाबला गेला असावा, असा अंदाज RTO अधिकाऱ्यांनी वर्तवला आहे.
दरम्यान, पोलिसांच्या शिफारशीनंतर संबंधित चालकाचा परवाना रद्द करण्याची प्रक्रिया सुरू करण्यात येणार आहे. अपघातग्रस्त बस सध्या बेस्ट प्रशासनाच्या ताब्यात असून घटनेच्या सखोल चौकशीसाठी बेस्टने चार सदस्यीय चौकशी समिती स्थापन केली आहे.
हेही वाचा