मुंबईचे महापौर विश्वनाथ महाडेश्वर यांच्यासह महापालिकेतील गटनेत्यांनी जर्मनीतील स्टुटगार्टला हवाई उड्डाण भरले. महापौरांसह सात गटनेते आणि शिक्षण विभागाचे उपायुक्त मिलिन सावंत हे स्टुटगार्टला मंगळवारी पहाटे रवाना झाले. हा दौरा तीन दिवसांचा असून यामध्ये स्टुटगार्ट हे भगिनी शहर असल्यामुळे तेथील प्रकल्पांची आणि योजनांची माहिती या अभ्यासदौऱ्यात दिली जाणार आहे.
महापौरांसह गटनेते जाणार
जर्मनी येथे भगिनी शहर संबंधीच्या सुवर्णमहोत्सवी कार्यक्रमाचं आयोजन २५ ते २८ सप्टेंबर या कालावधीत होणार आहे. त्यामुळे या सुवर्ण महोत्सवी कार्यक्रमाला उपस्थित राहण्याचं निमंत्रण जर्मनीच्या स्टुटगार्ट शहराच्यावतीनं मुंबई महापौर, उपमहापौर तसेच सर्व गटनेत्यांना पाठवण्यात आलं आहे.
या निमंत्रणाचा स्वीकार करून स्टुटगार्टला जाण्याचा निर्णय मुंबईच्या महापौरांनी घेतला.
परंतु, ऐनवेळी भाजपाचे मनोज कोटक आणि सपाचे गटनेते रईस शेख यांनी तिथे जाण्यास नकार दिला. तर गटनेत्यांपैकी शिक्षण समिती अध्यक्ष मंगेश सातमकर आणि बेस्ट समिती अध्यक्ष आशिष चेंबुरकर यांनीही या दौऱ्यावर न जाण्याचं आधीच कळवलं होतं.
'यांनी' दिला नकार
महापौर विश्वनाथ महाडेश्वर यांच्यासह उपमहापौर हेमांगी वरळीकर, सभागृहनेत्या विशाखा राऊत, विरोधी पक्षनेते रवी राजा, स्थायी समिती अध्यक्ष यशवंत जाधव, सुधार समिती अध्यक्ष दिलीप लांडे, राष्ट्रवादी काँग्रेसच्या गटनेत्या राखी जाधव आदी या दौऱ्यावर गेले आहेत.
भाजपाचे गटनेते मनोज कोटक यांनी मात्र आपण या दौऱ्यात जाणार नसल्याचं सांगत महापौरांकडे अभ्यास दौऱ्याची माहिती मागवली असता, ते त्यांनी दिली नाही. त्यामुळे आपण कोणता अभ्यास करायला जातोय?, हेच माहिती नसेल तर काय मजा करायला जायची का? असा सवाल केला आहे. तर रईस शेख यांनी आजारपणामुळे आपण जात नसल्याचं स्पष्ट केलं होतं.
मुंबईचे महापौर विश्वनाथ महाडेश्वर यांच्यासह महापालिकेतील गटनेत्यांनी जर्मनीतील स्टुटगार्टला हवाई उड्डाण भरले. महापौरांसह सात गटनेते आणि शिक्षण विभागाचे उपायुक्त मिलिन सावंत हे स्टुटगार्टला मंगळवारी पहाटे रवाना झाले. हा दौरा तीन दिवसांचा असून यामध्ये स्टुटगार्ट हे भगिनी शहर असल्यामुळे तेथील प्रकल्पांची आणि योजनांची माहिती या अभ्यासदौऱ्यात दिली जाणार आहे.
महापौरांसह गटनेते जाणार
जर्मनी येथे भगिनी शहर संबंधीच्या सुवर्णमहोत्सवी कार्यक्रमाचं आयोजन २५ ते २८ सप्टेंबर या कालावधीत होणार आहे. त्यामुळे या सुवर्ण महोत्सवी कार्यक्रमाला उपस्थित राहण्याचं निमंत्रण जर्मनीच्या स्टुटगार्ट शहराच्यावतीनं मुंबई महापौर, उपमहापौर तसेच सर्व गटनेत्यांना पाठवण्यात आलं आहे.
या निमंत्रणाचा स्वीकार करून स्टुटगार्टला जाण्याचा निर्णय मुंबईच्या महापौरांनी घेतला.
परंतु, ऐनवेळी भाजपाचे मनोज कोटक आणि सपाचे गटनेते रईस शेख यांनी तिथे जाण्यास नकार दिला. तर गटनेत्यांपैकी शिक्षण समिती अध्यक्ष मंगेश सातमकर आणि बेस्ट समिती अध्यक्ष आशिष चेंबुरकर यांनीही या दौऱ्यावर न जाण्याचं आधीच कळवलं होतं.
'यांनी' दिला नकार
महापौर विश्वनाथ महाडेश्वर यांच्यासह उपमहापौर हेमांगी वरळीकर, सभागृहनेत्या विशाखा राऊत, विरोधी पक्षनेते रवी राजा, स्थायी समिती अध्यक्ष यशवंत जाधव, सुधार समिती अध्यक्ष दिलीप लांडे, राष्ट्रवादी काँग्रेसच्या गटनेत्या राखी जाधव आदी या दौऱ्यावर गेले आहेत.
भाजपाचे गटनेते मनोज कोटक यांनी मात्र आपण या दौऱ्यात जाणार नसल्याचं सांगत महापौरांकडे अभ्यास दौऱ्याची माहिती मागवली असता, ते त्यांनी दिली नाही. त्यामुळे आपण कोणता अभ्यास करायला जातोय?, हेच माहिती नसेल तर काय मजा करायला जायची का? असा सवाल केला आहे. तर रईस शेख यांनी आजारपणामुळे आपण जात नसल्याचं स्पष्ट केलं होतं.