अंधेरी-घाटकोपरदरम्यान दर 3 मिनिटांनी मेट्रो
नव्या व्यवस्थेनुसार एक मेट्रो घाटकोपर-अंधेरी शॉर्ट लूपवर, तर त्यानंतरची मेट्रो नेहमीच्या घाटकोपर-वर्सोवा पूर्ण मार्गावर धावणार आहे.
यामुळे अंधेरी आणि घाटकोपरदरम्यान मेट्रोची वारंवारता वाढणार आहे. या विभागातील पीक अवर हेडवे 3 मिनिटे 20 सेकंदांवरून 3 मिनिटांपर्यंत कमी होणार आहे.
या बदलामुळे अंधेरी-घाटकोपर विभागाची प्रवासी वाहून नेण्याची क्षमता 20 टक्क्यांहून अधिक वाढणार असून, सुमारे 28 हजार अतिरिक्त प्रवासी क्षमता उपलब्ध होणार आहे.
मुंबई मेट्रो वनच्या म्हणण्यानुसार, घाटकोपर-अंधेरीदरम्यान प्रवास करणाऱ्या 85 टक्क्यांहून अधिक प्रवाशांना या बदलाचा फायदा होण्याची शक्यता आहे.
नव्या वेळापत्रकानुसार आठवड्याच्या दिवसांमध्ये मेट्रोच्या फेऱ्यांची संख्या 476 वरून 484 करण्यात येणार आहे.
दरम्यान, वर्सोवा-अझाद नगरदरम्यान पीक अवर हेडवे 362 सेकंद राहणार आहे.
घाटकोपर-अंधेरी शॉर्ट-लूप सेवा केवळ संध्याकाळच्या पीक अवरमध्ये चालवली जाणार आहे.
पहिली शॉर्ट-लूप मेट्रो: संध्याकाळी 6:23 वाजता
अंधेरी डाउन प्लॅटफॉर्मवरून सुटणार
शेवटची शॉर्ट-लूप मेट्रो: रात्री 8:23 वाजता
मुंबई मेट्रो वनचे CEO श्यामंतक चौधरी यांच्या म्हणण्यानुसार, उपलब्ध पायाभूत सुविधांचा अधिकाधिक वापर करून मेट्रोची क्षमता वाढवण्याच्या उद्देशाने हा मिक्स्ड-लूप पॅटर्न लागू करण्यात आला आहे.
या बदलामुळे प्रतीक्षा वेळ कमी होणे, मेट्रोची वारंवारता वाढणे आणि अंधेरी-घाटकोपरदरम्यान अतिरिक्त प्रवासी क्षमता उपलब्ध होणे अपेक्षित आहे. त्यामुळे संध्याकाळच्या गर्दीच्या वेळी प्रवाशांना अधिक जलद आणि विश्वासार्ह मेट्रो सेवा मिळण्याची शक्यता आहे.
हेही वाचा