महाराष्ट्र दिनाच्या पार्श्वभूमीवर मुंबई पोलिसांकडून (Mumbai Police) दादर परिसरातील वाहतुकीसंदर्भात महत्त्वाची सूचना जारी केली आहे. 1 मे 2026 रोजी शिवाजी पार्क (Shivaji Park) मैदानावर महाराष्ट्र दिनाची भव्य परेड आयोजित करण्यात येणार आहे.
या पार्श्वभूमीवर परेड सुरळीत पार पडावी यासाठी शिवाजी पार्क परिसरातील सर्व लगतच्या रस्त्यांवर सकाळी 6.00 ते दुपारी 12.00 वाजेपर्यंत विशेष वाहतूक नियंत्रण लागू करण्यात येणार आहे.
पोलीस प्रशासनाने दिलेल्या माहितीनुसार, या काळात काही रस्ते बंद ठेवले जाणार असून काही मार्गांवर वाहतूक वळवण्यात येईल. त्यामुळे दादरकडे जाणाऱ्या आणि दादरमधून प्रवास करणाऱ्या वाहनचालकांनी पर्यायी मार्गांचा वापर करावा, असे आवाहन करण्यात आले आहे.
ही वाहतूक व्यवस्था नागरिकांच्या सुरक्षिततेसाठी, संभाव्य अडथळे टाळण्यासाठी आणि परेड निर्विघ्न पार पाडण्यासाठी करण्यात येत असल्याचे पोलिसांनी स्पष्ट केले आहे.
महाराष्ट्र दिनानिमित्त दरवर्षी मोठ्या प्रमाणावर नागरिक उपस्थित राहतात. त्यामुळे गर्दी लक्षात घेता प्रशासनाकडून योग्य नियोजन करण्यात आले असून, नागरिकांनी सहकार्य करावे, असे आवाहन करण्यात आले आहे.
हेही वाचा