वानखेडे स्टेडिअम येथे गुरुवारी होणाऱ्या भारत-इंग्लंड टी-20 उपांत्य सामन्यासाठी प्रेक्षकांची मोठी गर्दी अपेक्षित असल्याने मुंबई ट्राफिक पोलिसांनी सविस्तर वाहतूक सूचना जारी केल्या आहेत. हा हाय-प्रोफाइल सामना संध्याकाळी 7 वाजता सुरू होणार आहे. स्टेडियमचे गेट्स दुपारी 4 वाजता उघडली जाणार आहेत. त्यामुळे मरिन ड्राईव्ह परिसरात मोठी वाहतूक कोंडी होण्याची शक्यता आहे.

वाहनचालकांनी प्रवास आधीच नियोजित करावा आणि शक्य असल्यास पर्यायी मार्गांचा वापर करावा, असे आवाहन करण्यात आले आहे. तसेच प्रेक्षकांनी शक्यतो सार्वजनिक वाहतूक व्यवस्था वापरावी, असे पोलिसांनी सांगितले.

सुचवलेले सार्वजनिक वाहतूक पर्याय

पश्चिम रेल्वे:

• चर्चगेट रेल्वे स्टेशन

• मरिन लाईन रेल्वे स्टेशन

मेट्रो:

• Mumbai Metro Line 3 – चर्चगेट स्टेशन

गेटनुसार प्रवास मार्गदर्शन

गेट 1, 2 आणि 7:

• चर्चगेट रेल्वे स्टेशन / चर्चगेट मेट्रो स्टेशन

• E रोड मार्गे प्रवेश

गेट 3 आणि 4:

• मरीन लाइन्स रेल्वे स्टेशन

• महार्षी कर्वे रोडवरील रूपकला शोरूमजवळील फूटओव्हर ब्रिज वापरावा

गेट 5 आणि 6:

• चर्चगेट रेल्वे स्टेशन / चर्चगेट मेट्रो स्टेशन

• महार्षी कर्वे रोडवरील इन्कम टॅक्स ऑफिससमोरील फूटओव्हर ब्रिज

पोलिसांनी स्पष्ट केले की कार्यक्रमादरम्यान सुरळीत वाहतूक व्यवस्थेसाठी नागरिकांचे सहकार्य अत्यंत आवश्यक आहे. प्रेक्षकांनी लवकर स्टेडियमवर पोहोचावे आणि दिलेल्या मार्गदर्शक सूचनांचे पालन करावे, जेणेकरून दक्षिण मुंबईत वाहतूक कोंडी कमी होईल.

भारत-इंग्लंड टी-20 उपांत्य सामन्यासाठी मेट्रो-३ची अतिरिक्त सेवा

Mumbai Metro Line 3 ने गुरुवार, 5 मार्च रोजी होणाऱ्या ICC Men's T20 World Cup 2026 मधील भारत-इंग्लंड उपांत्य सामन्यासाठी अतिरिक्त सेवा चालवण्याची घोषणा केली आहे.

हा महत्त्वाचा नॉकआउट सामना संध्याकाळी 7 वाजता सुरू होणार असून दक्षिण मुंबईत मोठी गर्दी अपेक्षित आहे.

स्टेडियमजवळील चर्चगेट आणि मरीन ड्राइव्ह परिसरात रस्ते व लोकल ट्रेनवर ताण वाढू शकतो. त्यामुळे प्रेक्षकांना सोयीस्कर प्रवास मिळावा यासाठी मेट्रो-३ वर दिवसभर आणि रात्री उशिरापर्यंत अतिरिक्त गाड्या चालवल्या जाणार आहेत.

मेट्रो-३ मार्ग:

• 33.5 किमी लांबी

• 27 स्थानके

• कफ परेड ते आरे कॉलनी (JVLR) दरम्यान

स्टेडियमजवळील प्रमुख स्थानके:

• चर्चगेट

• विधान भवन

• हुतात्मा चौक

• छत्रपती शिवाजी महाराज टर्मिनल्स

• ग्रँट रोड

• मुंबई सेंटर रेल्वे स्टेशन

म्हणून आरे, सीप्झ, विमानतळ परिसर, वर्ली, बीकेसी आणि दादर येथून येणाऱ्या चाहत्यांसाठी मेट्रो हा प्रवास पर्याय ठरू शकतो.

विशेष सुविधा

सामना संपल्यानंतर प्रेक्षकांना घरी परतता यावे यासाठी चर्चगेट स्टेशनवरून शेवटची मेट्रो रात्री 11:59 वाजता सुटणार आहे. त्यामुळे चाहत्यांना सामना संपल्यानंतरही आरामात मेट्रोने प्रवास करता येईल आणि उशिराच्या वाहतुकीतील गोंधळ टाळता येईल.

हेही वाचा

भारत विरुद्ध इंग्लंड टी20 विश्वचषक सामना जवळच्या थिएटरमध्ये पाहता येणार