ही नोटीस 5 नोव्हेंबर 2015 रोजीच्या महाराष्ट्र शासनाच्या नगरविकास विभागाच्या परिपत्रकानुसार जारी करण्यात आली आहे. संबंधित इमारतींच्या मालकांना व रहिवाशांना लेखी नोटीस बजावून इमारतींचा वापर त्वरित बंद करणे आणि धोकादायक संरचना पाडण्याचे निर्देश देण्यात आले आहेत.
महापालिकेने स्पष्ट केले आहे की, Category C-1 इमारतींचे वीज आणि पाणी कनेक्शनही तोडण्यात येणार आहेत. वारंवार सूचना देऊनही कोणी इमारतीत राहत राहिल्यास, इमारत कोसळून जीवित किंवा वित्तहानी झाल्यास त्याची संपूर्ण जबाबदारी संबंधित मालक आणि रहिवाशांची असेल, महापालिकेची नाही.
2026-27 या आर्थिक वर्षासाठी NMMC ने बेलापूर, नेरुळ, वाशी, तुर्भे, सानपाडा, कोपरखैरणे, ऐरोली आणि दिघा परिसरातील 34 इमारती व संरचनांना Category C-1 म्हणून घोषित केले आहे.
| विभाग | इमारती |
|---|---|
| बेलापूर | 3 |
| नेरुळ | 4 |
| वाशी | 5 |
| तुर्भे व सानपाडा | 20 |
| कोपरखैरणे | 5 |
| ऐरोली | 1 |
| दिघा | 1 |
| एकूण | 34 |
या यादीत अनेक जुन्या गृहनिर्माण संस्था, अपार्टमेंट्स, व्यावसायिक इमारती, APMC मार्केटमधील इमारती तसेच सहकारी गृहनिर्माण संस्थांचा समावेश आहे. त्यापैकी काही प्रमुख इमारती पुढीलप्रमाणे आहेत:
श्री गणेश को-ऑप. हाऊसिंग सोसायटी, सेक्टर 28, नेरुळ
व्हाईट हाऊस को-ऑप. हाऊसिंग सोसायटी, नेरुळ (पूर्व)
पंचशील अपार्टमेंट, सेक्टर 1A, नेरुळ
सायलेंट व्हॅली अपार्टमेंट, नेरुळ
पुनित पार्क (कॉस्मोपॉलिटन सोसायटी-II), नेरुळ
लिटल फ्लॉवर सोसायटी, वाशी
नूर को-ऑप. हाऊसिंग सोसायटी, वाशी
सेक्टर 2 मधील C-1 व C-2 प्रकारच्या इमारती, वाशी
कांदा-बटाटा मार्केट, तुर्भे
मसाला मार्केट (APMC), तुर्भे
पार्क व्ह्यू सोसायटी, सानपाडा
गगनगिरी, चंद्रलोक, सिल्व्हर नेस्ट, सिटी शाईन आणि राज पॅलेस सोसायटी, कोपरखैरणे
सहजीवन अपार्टमेंट, ऐरोली
खांडू कोळी चाळ, दिघा
Dr. Kailas Shinde यांनी सर्व रहिवाशांना आणि व्यावसायिकांना धोकादायक इमारती तात्काळ रिकाम्या करून महापालिकेला सहकार्य करण्याचे आवाहन केले आहे. नागरिकांनी वेळेत इमारती खाली केल्यास संभाव्य जीवित आणि वित्तहानी टाळता येईल, असे त्यांनी नमूद केले आहे.
हेही वाचा