ठाणे डिस्ट्रिक्ट लेवल स्कूल बस शेपटी कम्युनुटीने (Thane District Level School Bus Safety Committee) सर्व शालेय बसमध्ये समोरच्या दिशेला (फ्रंट-फेसिंग) डॅश कॅमेरे बसवणे बंधनकारक करणारे नवे निर्देश जारी केले आहेत.
हा निर्णय मंगळवार, 24 फेब्रुवारी रोजी वाहतूक विभागाच्या उपपोलीस आयुक्त कार्यालयात झालेल्या त्रैमासिक बैठकीत घेण्यात आला. बैठकीचे अध्यक्षस्थान पंकज क्षिरसाट, उपपोलीस आयुक्त (वाहतूक), ठाणे शहर यांनी भूषवले.
या बैठकीत शालेय विद्यार्थ्यांचा प्रवास “धोका-मुक्त” करण्यासाठी विविध उपाययोजना राबवण्यावर भर देण्यात आला. विद्यार्थ्यांची सुरक्षा ही सर्वोच्च प्राधान्याची बाब असून त्यासाठी सर्व संबंधितांनी सामूहिक प्रयत्न करणे आवश्यक असल्याचे डीसीपी पंकज शिरसाट यांनी अधोरेखित केले.
सर्व शालेय बसच्या पुढील विंडशील्डवर कॅमेरे बसवणे अनिवार्य. यामुळे चालकांच्या वर्तनावर लक्ष ठेवता येईल, अपघात टाळण्यास मदत होईल तसेच वाहतूक नियमभंग किंवा वाद निर्माण झाल्यास स्पष्ट पुरावे उपलब्ध होतील.
मद्यप्राशन करून वाहन चालवण्याच्या घटना रोखण्यासाठी बस ऑपरेटरना दररोज ब्रेथअॅनालायझरद्वारे तपासणी करणे बंधनकारक.
सीएनजीवर चालणाऱ्या बससाठी गॅस टाक्यांची दर तीन वर्षांनी अनिवार्य सुरक्षा तपासणी.
शाळांच्या परिसरात वाहतूक कोंडी टाळण्यासाठी बस शाळा सुरू होण्याच्या आणि सुटण्याच्या किमान 30 मिनिटे आधी नियोजित ठिकाणी पोहोचून पार्क करणे आवश्यक.
सर्व चालक आणि अटेंडंट यांना औपचारिक रस्ता सुरक्षा प्रशिक्षण देणे बंधनकारक, जेणेकरून मानवी चुका कमी होतील आणि व्यावसायिक दर्जाची सेवा सुनिश्चित होईल.
हेही वाचा