बालकांच्या मोफत आणि सक्तीच्या शिक्षण हक्क कायद्या (आरटीई) अंतर्गत मंगळवारी तिसऱ्या टप्प्यातील सोडत शिक्षण विभागाकडून पार पाडण्यात आली. तिसऱ्या यादीनुसार एकूण 2 हजार 440 विद्यार्थ्यांना प्रवेश देण्यात आले आहेत.
याआधी आरटीई अंतर्गत पहिली ऑनलाईन सोडत 7,449 जागांसाठी काढण्यात आली होती. यामध्ये एकूण 1,996 मुलांना प्रवेश मिळाला. उर्वरीत जागांसाठी 24 मार्च, 2017 रोजी दुसरी सोडत काढण्यात आली आहे. पहिलीच्या वर्गासाठीच्या 679 जागा तर पूर्व प्राथमिकसाठी 633 अशा एकूण 1312 जागा भरण्यात आल्या आहेत. तर इतर बोर्डाच्या पहिलीच्या वर्गासाठी 277 तर पूर्व प्राथमिकसाठी 72 अशा 349 जागा भरल्या गेल्या आहेत.