ठाणे महापालिका क्षेत्राला स्टेम प्राधिकरणाकडून रोज १०० दशलक्ष लिटर पाणीपुरवठा होतो. शुक्रवार १२ जून रोजी सकाळी ९ ते शनिवार १३ जून रोजी सकाळी ९ वाजेपर्यंत स्टेम प्राधिकरणाकडून होणारा पाणीपुरवठा बंद राहणार आहे. या काळात महापालिकेच्या स्वत:च्या योजनेचा, एमआयडीसी आणि मुंबई महापालिकेचा पाणीपुरवठा सुरू आहे. त्याचे नियोजन महापालिकेनं केलं आहे.
त्यानुसार शुक्रवारी सकाळी ९ ते रात्री ९ या वेळेत घोडबंदर रोड, पातलीपाडा, कासारवडवली, पवारनगर, कोठारी कंपाऊंड, आझादनगर, डोंगरीपाडा, वाघबीळ, ओवळा व मुंब्रा या भागाचा पाणीपुरवठा बंद राहणार आहे. तर शुक्रवार रात्री ९ ते शनिवार सकाळी ९ या वेळेत सिद्धेश्वर तलाव, समतानगर, दोस्ती, आकृती, जॉन्सन, इटर्निटी, जेल परिसर, साकेत, ऋतुपार्क या ठिकाणचा पाणीपुरवठा बंद राहणार आहे. या बंदमुळे पुढील एक ते दोन दिवस कमी दाबाने पाणीपुरवठा होणार आहे.
मुंबईत ७९८ कंटेन्मेंट झोन, 'ही' आहे कंटेन्मेंट झोनची यादी
'असे' आहेत मिरा-भाईंदरमध्ये कंटेन्मेंट झोन