कलर्स चॅनलवरील "तू आशिकी" या मालिकेत काम देण्याच्या नावाखाली एका कला दिग्दर्शकाच्या मुलाला गंडवल्याचा प्रकार उघडकीस आला आहे. याप्रकरणी गोरेगाव पोलिस ठाण्यात कास्टिंग दिग्दर्शकाविरोधात फसवणुकीचा गुन्हा नोंदवण्यात आला आहे. याप्रकरणी पोलिसांचा तपास सुरू आहे.
संपूर्ण प्रकार
कोपरखैरणे परिसरात राहणारे तक्रारदार शशीकांत मंगे एसल व्हिजन या कंपनीत कला दिग्दर्शक म्हणून काम पाहात होते. काही दिवसांपूर्वी 'भाभीजी घर पर' है या मालिकेतील किशोर भानूशाली यांनी मंगे यांची आरोपी ओमप्रकाश योगी यांच्याशी ओळख करून दिली होती. किशोर यांनी ओमप्रकाश योगी हे नवोदितांना संधी देतात असं मंगे यांना सांगितलं होतं.
त्यावेळी आरोपी ओमप्रकाशने आपण विविध सिरियलमध्ये कास्टिंग दिग्दर्शक म्हणून काम पाहतो सध्या आपल्याकडे कलर्स चॅनेलवरील 'तू आशिकी' या सिरियलमधील पात्र निवडण्याची जबाबदारी सोपवली असल्याचं शशिकांत यांना सांगितलं. त्यानुसार शशिकांत यांनी त्यांचा मुलगा हिमांशू मंगे याला मालिकेमध्ये काम देण्याबाबत विचारणा केली. त्यानंतर ओमप्रकाश याने तू आशिकी या मालिकेत काम करण्याची संधी देत त्याला महिन्याला 50 हजार पगार देण्याची ग्वाही दिली होती. मात्र त्या रोल साठी हिमांशूला प्रोसेसिंग फी म्हणून एक लाख 15 हजार रुपये भरावे लागतील असं सांगितलं.
आणि मंगेंची केली फसवणूक
मुलाला नावाजलेल्या सिरियलमध्ये काम मिळणार म्हणून मागचा पुढचा विचार न करता शशिकांत यांनी पैसे देण्याची तयारी दर्शवली. त्यानुसार ओमप्रकाश यांनी पैशाचे व्यवहार करण्यासाठी शशिकांत आणि हिमांशू यांना २२ नोव्हेंबर २०१७ रोजी गोरेगावच्या टोपीवाला सेंटरमध्ये "आयके एन्टरटेन्मेंट" येथील कार्यालयात बोलावलं. त्या ठिकाणी ओमप्रकाशने "जेनेट कास्टिंग हब" या कास्टिंग एजन्सीची बनावट कागदपत्रांवर हिमांशू यांची स्वाक्षरी घेत तीन रिकामे चेक घेतले.
त्या चेकच्या आधारावर ओमप्रकाशने शशिकांत यांच्या खात्यातून आतापर्यंत ८९ हजार रुपये काढले. मात्र सिरियलमध्ये काम कधी मिळणार? यासाठी शशिकांत यांनी ओमप्रकाश यांच्याशी संपर्क साधला असता त्यांनी उडवा उडवीची उत्तरं दिली. तर काही दिवसांनी त्याचा फोन बंद येत होता. त्यानंतर ओमप्रकाशने जेनेट कास्टिंग हबमध्ये चौकशी केली असता त्यांना आपली फसवणूक झाल्याचं लक्षात आले.
पोलिस ठाण्यात तक्रार दाखल
या प्रकरणी शशिकांत मंगे यांनी दिलेल्या तक्रारीनुसार गोरेगाव पोलिस ठाण्यात गुन्हा नोंदवण्यात आला असून पोलिस अधिक तपास करत आहेत.
हिमांशूने कलर्स चॅनेलवरील दिल की बात जिंदगी यासह इतर मालिकांमध्ये अनेक छोटे मोठे रोल केले आहेत.
कलर्स चॅनलवरील "तू आशिकी" या मालिकेत काम देण्याच्या नावाखाली एका कला दिग्दर्शकाच्या मुलाला गंडवल्याचा प्रकार उघडकीस आला आहे. याप्रकरणी गोरेगाव पोलिस ठाण्यात कास्टिंग दिग्दर्शकाविरोधात फसवणुकीचा गुन्हा नोंदवण्यात आला आहे. याप्रकरणी पोलिसांचा तपास सुरू आहे.
संपूर्ण प्रकार
कोपरखैरणे परिसरात राहणारे तक्रारदार शशीकांत मंगे एसल व्हिजन या कंपनीत कला दिग्दर्शक म्हणून काम पाहात होते. काही दिवसांपूर्वी 'भाभीजी घर पर' है या मालिकेतील किशोर भानूशाली यांनी मंगे यांची आरोपी ओमप्रकाश योगी यांच्याशी ओळख करून दिली होती. किशोर यांनी ओमप्रकाश योगी हे नवोदितांना संधी देतात असं मंगे यांना सांगितलं होतं.
त्यावेळी आरोपी ओमप्रकाशने आपण विविध सिरियलमध्ये कास्टिंग दिग्दर्शक म्हणून काम पाहतो सध्या आपल्याकडे कलर्स चॅनेलवरील 'तू आशिकी' या सिरियलमधील पात्र निवडण्याची जबाबदारी सोपवली असल्याचं शशिकांत यांना सांगितलं. त्यानुसार शशिकांत यांनी त्यांचा मुलगा हिमांशू मंगे याला मालिकेमध्ये काम देण्याबाबत विचारणा केली. त्यानंतर ओमप्रकाश याने तू आशिकी या मालिकेत काम करण्याची संधी देत त्याला महिन्याला 50 हजार पगार देण्याची ग्वाही दिली होती. मात्र त्या रोल साठी हिमांशूला प्रोसेसिंग फी म्हणून एक लाख 15 हजार रुपये भरावे लागतील असं सांगितलं.
आणि मंगेंची केली फसवणूक
मुलाला नावाजलेल्या सिरियलमध्ये काम मिळणार म्हणून मागचा पुढचा विचार न करता शशिकांत यांनी पैसे देण्याची तयारी दर्शवली. त्यानुसार ओमप्रकाश यांनी पैशाचे व्यवहार करण्यासाठी शशिकांत आणि हिमांशू यांना २२ नोव्हेंबर २०१७ रोजी गोरेगावच्या टोपीवाला सेंटरमध्ये "आयके एन्टरटेन्मेंट" येथील कार्यालयात बोलावलं. त्या ठिकाणी ओमप्रकाशने "जेनेट कास्टिंग हब" या कास्टिंग एजन्सीची बनावट कागदपत्रांवर हिमांशू यांची स्वाक्षरी घेत तीन रिकामे चेक घेतले.
त्या चेकच्या आधारावर ओमप्रकाशने शशिकांत यांच्या खात्यातून आतापर्यंत ८९ हजार रुपये काढले. मात्र सिरियलमध्ये काम कधी मिळणार? यासाठी शशिकांत यांनी ओमप्रकाश यांच्याशी संपर्क साधला असता त्यांनी उडवा उडवीची उत्तरं दिली. तर काही दिवसांनी त्याचा फोन बंद येत होता. त्यानंतर ओमप्रकाशने जेनेट कास्टिंग हबमध्ये चौकशी केली असता त्यांना आपली फसवणूक झाल्याचं लक्षात आले.
पोलिस ठाण्यात तक्रार दाखल
या प्रकरणी शशिकांत मंगे यांनी दिलेल्या तक्रारीनुसार गोरेगाव पोलिस ठाण्यात गुन्हा नोंदवण्यात आला असून पोलिस अधिक तपास करत आहेत.
हिमांशूने कलर्स चॅनेलवरील दिल की बात जिंदगी यासह इतर मालिकांमध्ये अनेक छोटे मोठे रोल केले आहेत.