महाराष्ट्र भ्रष्टाचार प्रतिबंधक विभागाने (ACB) जानेवारी ते जून 2026 या सहा महिन्यांच्या कालावधीत राज्यभरात 392 लाचलुचपत ट्रॅप कारवाया केल्या आहेत. गेल्या वर्षीच्या तुलनेत या कारवायांमध्ये वाढ झाली असल्याची माहिती ACB च्या ताज्या आकडेवारीतून समोर आली आहे.

566 जणांवर गुन्हे, 93 खासगी व्यक्तींचाही समावेश

या ट्रॅप कारवायांमध्ये एकूण 566 जणांविरुद्ध गुन्हे दाखल करण्यात आले असून, त्यामध्ये 93 खासगी व्यक्तींचाही समावेश आहे.

अटक किंवा गुन्हा दाखल झालेल्यांमध्ये:

• 278 वर्ग-3 (Class III) कर्मचारी

• 74 वर्ग-2 (Class II) अधिकारी

• 42 वर्ग-1 (Class I) अधिकारी

• 20 वर्ग-4 (Class IV) कर्मचारी

यांचा समावेश आहे.

महसूल विभागात सर्वाधिक कारवाया

विभागनिहाय पाहता सर्वाधिक 99 ट्रॅप कारवाया महसूल व भूमी अभिलेख विभागात करण्यात आल्या.

यानंतर:

• पोलीस विभाग – 57

• पंचायत समिती – 45

• महावितरण (MSEDCL) – 23

• शिक्षण विभाग – 22

• सार्वजनिक आरोग्य विभाग – 16

• महानगरपालिका – 16

• वन विभाग – 14

अशा कारवायांची नोंद झाली आहे.

2 कोटींहून अधिक लाचेची मागणी

ACB च्या आकडेवारीनुसार, 392 ट्रॅप प्रकरणांमध्ये एकूण सुमारे 2.07 कोटी रुपयांच्या लाचेची मागणी करण्यात आली होती.

विभागनिहाय लाचेच्या मागणीची रक्कम:

• पोलीस विभाग – 50.10 लाख रुपये

• महसूल व भूमी अभिलेख विभाग – 32.61 लाख रुपये

• विक्रीकर विभाग – 20.74 लाख रुपये

• सार्वजनिक बांधकाम विभाग (PWD) – 19.22 लाख रुपये

• पंचायत समिती – 10.70 लाख रुपये

नाशिक अव्वल

परिक्षेत्रनिहाय पाहता:

• नाशिक – 84 ट्रॅप प्रकरणे

• पुणे – 77

• छत्रपती संभाजीनगर – 56

• ठाणे – 55

• नागपूर – 37

• अमरावती – 35

• नांदेड – 30

• मुंबई – 18 (सर्वात कमी)

उत्पन्नापेक्षा जास्त मालमत्तेचे एक प्रकरण

लाचलुचपत ट्रॅप कारवायांव्यतिरिक्त, ACB ने यंदा उत्पन्नाच्या ज्ञात स्रोतांपेक्षा अधिक मालमत्ता बाळगल्याप्रकरणी (Disproportionate Assets) एक गुन्हाही नोंदवला आहे.

हे प्रकरण CIDCO मधील एका अधिकाऱ्याशी संबंधित असून, संबंधित अधिकाऱ्याकडे सुमारे 1.94 कोटी रुपयांची उत्पन्नापेक्षा जास्त मालमत्ता असल्याचा आरोप आहे. ACB या प्रकरणाचा पुढील तपास करत आहे.

हेही वाचा

गिरगावच्या हॉटेलमधील सॅक्स रॅकेटचा पर्दाफाश