टीव्हीवरील 'सावधान इंडिया' आणि 'क्राईम पेट्रोल दस्तक' या मालिकांनी अल्पावधीतच नागरिकांची मनं जिंकली. मात्र याच मालिकातील काही भाग पाहून दहिसरच्या ३५ वर्षीय संगीता पटेलने चोरीचा कट रचल्याचं वास्तव पुढे आलं आहे.
का केली चोरी?
दहिसरमध्ये आरोपी संगीता पटेल ही नवरा आणि दोन मुलांसह राहते. घरची परिस्थिती हलाखीची असल्याने नवनवे उद्योग सुरू करण्याच्या नादात तिच्या नवऱ्याने अनेकांकडून कर्ज घेतले होते. ऐकेदिवशा घरी सावधान इंडिया ही मालिका बघून संगीताने चोरीचा मार्ग पत्करला. कामानिमित्त जास्तवेळ घरात थांबता येईल, अशा कुटुंबात ती काम मिळवण्यासाठी प्रयत्न करायची. आपल्याच समाजातील महिला असल्याने लोक तिला विश्वासाने कामावर ठेवायचे. आठवड्याभरात घराची रेकी करून घरातील महत्त्वाच्या चाव्यांचे छाप साबणावर काढून घेत भारती बनावट चाव्या बनवून घ्यायची. घरातील व्यक्ती बाहेर गेल्याची संधी साधत तिने चोरी केली आणि पळ काढायची.
काही दिवसांपूर्वी संगीता अंधेरीतल्या नागरदास रोडवरील उच्चभ्रूवस्तीत राहणाऱ्या संजय मेहता यांच्या घरी कामाला लागली होती. संजय यांचा व्यवसाय असल्याने दिवसभर ते कामानिमित्त बाहेर रहायचे. तर त्या कुटुंबातील व्यक्तींची नजर चुकवत संगीताने संजय यांच्या घराच्या चाव्या, लॉकरच्या चाव्यांची साबणावर छाप घेऊन बनावट चावी बनवली होती. दरम्यान १२ मार्च रोजी संजय हे कुटुंबासमावेत घरातील लग्नसोहळ्याला जाणार असल्याचे कळाल्यानंतर संगीता ते निघण्याच्या अर्धातास आधीच घरातून बाहेर पडली. कालांतराने संजय हे कुटुंबासमावेत लग्नसोहळ्याला घराबाहेर पडल्यानंतर संगीताने बनावट चावीच्या मदतीने घरात प्रवेश करत. तिने तिजोरीतील १२ लाख १७ हजाराचे दागिने चोरून तेथून पळ काढला. घरी परतल्यानंतर घरात चोरी झाल्याचे कळल्यानंतर संजय यांनी पोलिसांना पाचरण करत गुन्हा नोंदवला.
अखेर संगीताला अटक
चौकशीत पोलिसांना संगीतावर संशय आला. तिच्या चौकशीसाठी संजय यांनी तिला वारंवार फोन केला. मात्र तिचा फोन बंद येत असल्यामुळे पोलिसांचा तिच्यावरील संशय आणखी बळावला. सोसायटीच्या सीसीटीव्ही फूटेजमध्ये संगीता चोरी करताना आढळून आल्यानंतर गुन्हे शाखेच्या पोलिसांनी तिचा शोध सुरू केला. अखेर गुप्त माहितीदाराच्या आधारावर पोलिसांनी अवघ्या २४ तासात संगीताला अटक केली.
गुन्ह्याची दिली कबुली
डोक्यावरील कर्जाचा भार हलका करण्यासाठी सावधान इंडिया या मालिकेतील भाग पाहून चोरी करण्यास सुरूवात केल्याची कबुली संगीताने दिली. या प्रकरणी पोलिसांनी संगीताकडून ६० टक्के मौल्यवान दागिने हस्तगत करत, तिचा ताबा अधिक तपासासाठी अंधेरी पोलिसांना दिला असल्याची माहिती गुन्हे शाखा १० चे वरिष्ठ पोलिस निरीक्षक श्रीमंत शिंदे यांनी दिली.
टीव्हीवरील 'सावधान इंडिया' आणि 'क्राईम पेट्रोल दस्तक' या मालिकांनी अल्पावधीतच नागरिकांची मनं जिंकली. मात्र याच मालिकातील काही भाग पाहून दहिसरच्या ३५ वर्षीय संगीता पटेलने चोरीचा कट रचल्याचं वास्तव पुढे आलं आहे.
का केली चोरी?
दहिसरमध्ये आरोपी संगीता पटेल ही नवरा आणि दोन मुलांसह राहते. घरची परिस्थिती हलाखीची असल्याने नवनवे उद्योग सुरू करण्याच्या नादात तिच्या नवऱ्याने अनेकांकडून कर्ज घेतले होते. ऐकेदिवशा घरी सावधान इंडिया ही मालिका बघून संगीताने चोरीचा मार्ग पत्करला. कामानिमित्त जास्तवेळ घरात थांबता येईल, अशा कुटुंबात ती काम मिळवण्यासाठी प्रयत्न करायची. आपल्याच समाजातील महिला असल्याने लोक तिला विश्वासाने कामावर ठेवायचे. आठवड्याभरात घराची रेकी करून घरातील महत्त्वाच्या चाव्यांचे छाप साबणावर काढून घेत भारती बनावट चाव्या बनवून घ्यायची. घरातील व्यक्ती बाहेर गेल्याची संधी साधत तिने चोरी केली आणि पळ काढायची.
काही दिवसांपूर्वी संगीता अंधेरीतल्या नागरदास रोडवरील उच्चभ्रूवस्तीत राहणाऱ्या संजय मेहता यांच्या घरी कामाला लागली होती. संजय यांचा व्यवसाय असल्याने दिवसभर ते कामानिमित्त बाहेर रहायचे. तर त्या कुटुंबातील व्यक्तींची नजर चुकवत संगीताने संजय यांच्या घराच्या चाव्या, लॉकरच्या चाव्यांची साबणावर छाप घेऊन बनावट चावी बनवली होती. दरम्यान १२ मार्च रोजी संजय हे कुटुंबासमावेत घरातील लग्नसोहळ्याला जाणार असल्याचे कळाल्यानंतर संगीता ते निघण्याच्या अर्धातास आधीच घरातून बाहेर पडली. कालांतराने संजय हे कुटुंबासमावेत लग्नसोहळ्याला घराबाहेर पडल्यानंतर संगीताने बनावट चावीच्या मदतीने घरात प्रवेश करत. तिने तिजोरीतील १२ लाख १७ हजाराचे दागिने चोरून तेथून पळ काढला. घरी परतल्यानंतर घरात चोरी झाल्याचे कळल्यानंतर संजय यांनी पोलिसांना पाचरण करत गुन्हा नोंदवला.
अखेर संगीताला अटक
चौकशीत पोलिसांना संगीतावर संशय आला. तिच्या चौकशीसाठी संजय यांनी तिला वारंवार फोन केला. मात्र तिचा फोन बंद येत असल्यामुळे पोलिसांचा तिच्यावरील संशय आणखी बळावला. सोसायटीच्या सीसीटीव्ही फूटेजमध्ये संगीता चोरी करताना आढळून आल्यानंतर गुन्हे शाखेच्या पोलिसांनी तिचा शोध सुरू केला. अखेर गुप्त माहितीदाराच्या आधारावर पोलिसांनी अवघ्या २४ तासात संगीताला अटक केली.
गुन्ह्याची दिली कबुली
डोक्यावरील कर्जाचा भार हलका करण्यासाठी सावधान इंडिया या मालिकेतील भाग पाहून चोरी करण्यास सुरूवात केल्याची कबुली संगीताने दिली. या प्रकरणी पोलिसांनी संगीताकडून ६० टक्के मौल्यवान दागिने हस्तगत करत, तिचा ताबा अधिक तपासासाठी अंधेरी पोलिसांना दिला असल्याची माहिती गुन्हे शाखा १० चे वरिष्ठ पोलिस निरीक्षक श्रीमंत शिंदे यांनी दिली.