मुलुंड - मराठी साहित्यामधील थोर लेखक आणि कवी वि. वा. शिरवाडकर म्हणजेच कुसुमाग्रज यांचा 27 फेब्रुवारीला जन्मदिवस. म्हणूनच हा दिवस जागतिक मराठी भाषा दिवस म्हणून साजरा केला जातो. याच दिवसाचं औचित्य साधून मुलुंड परिसरात ग्रंथ दिंडीचे आयोजन केले होते. व्ही. जी. वझे महाविद्यालय आणि व्ही. पी. एम. महाविद्यालयातील विद्यार्थ्यांनी या ग्रंथ दिंडीचे आयोजन केले होते. ही दिंडी संपूर्ण मुलुंड परिसरात फिरवण्यात आली.