जी-उत्तर आणि जी-दक्षिण येथील सन २०१७-१८च्या विभाग स्तरावरील विज्ञान प्रदर्शनात माहिम येथील सरस्वती विद्यामंदिर शाळेनं बाजी मारली आहे. आपले जीवन आपली सुरक्षा, भस्मासुराची सप्तपदी आणि आनंदी शिक्षण या विषयांवरल आधारित केलेल्या प्रदर्शनात या शाळेच्या मुलांनी दुसऱ्या क्रमांकाचे बक्षीस पटकावले आहे, तर वक्तृत्व स्पर्धेत तसेच सर्वोकृष्ठ विज्ञान मंडळात प्रथम क्रमांकाचे बक्षीस पटकावले आहे.
वरळीतील ‘सॅक्रेड हार्ट हायस्कूल’ शाळेत दिनांक २८ ते ३० नोव्हेंबर २०१७ या कालावधीत जी-उत्तर आणि जी-दक्षिण अर्थात लोअर परळ ते माहिम, धारावी आदी विभागस्तरीय विज्ञान प्रदर्शनात माहिमच्या सरस्वती मंदिर हायस्कूलच्या विद्यार्थी आणि शिक्षकांनी प्रावीण्य मिळवले आहे. शाळेतील शिक्षिका पूजा यादव, जामुनाराणी, वैशाली फापाळे , प्रज्ञा पाटील, राजाराम बंडगर, उमेश परब यांच्या मार्गदर्शनाखाली सर्व मुलांनी तसेच शिक्षकांनी विज्ञान प्रदर्शनात आपली चमक दाखवली आहे.