मुंबई - महानगर पालिकेच्या मराठी, हिंदी आणि इंग्रजी शाळांना नाताळची सुट्टी असताना पालिकेच्या उर्दू माध्यमांच्या शाळा मात्र सुरूच आहेत. सुट्ट्यांच्या बाबतीत शाळांना वेगवेगळा न्याय का असा सवाल यानिमित्ताने उपस्थित होत आहे. तर माहिती अधिकार कार्यकर्ते अनिल गलगली यांनी पालिकेतील सर्व शाळांना एकच नियम आणि निकष लागू करावेत अशी मागणी पालिका आयुक्त अजॉय मेहता यांच्याकडे एका पत्राद्वारे केली आहे.