नवोदित कलाकारांना उत्तम संधी, योग्य व्यासपीठ आणि व्यावसायिक यश मिळावं या हेतूने 'व्हाईट लाईज प्रोडक्शन्स' या संस्थेच्या संस्थापिका अॅडव्होकेट ज्योती मुळे यांनी नाटकप्रेमींसाठी १६ आणि १७ जानेवारीला दीर्घांक महोत्सव आयोजित केला आहे. या दीर्घांक महोत्सवात एकूण ४ दीर्घांक रसिक प्रेक्षकांना बघता येतील. या चारही दीर्घांकांचं लेखन आणि दिग्दर्शन प्रसाद थोरवे यांनी केलं आहे. याआधी प्रसाद थोरवे यांनी अनेक बालनाट्य आणि महाविद्यालयीन एकांकिकांचं लेखन आणि दिग्दर्शन केलं आहे.
१६ आणि १७ जानेवारीला संध्याकाळी ६ ते रात्री ८.३० या वेळेत साठ्ये महाविद्यालयाच्या ऑडिटोरियम येथे हा महोत्सव रंगणार आहे. यामध्ये ४ दिर्घांकाचं सादरीकरण केलं जाणार आहे.