पर्यावरण दिनाच्या निमित्ताने काही होईना प्रत्येकाने एक झाड लावलं पाहिजे. कारण झाडे वातावरणातील कार्बन डायऑक्साईड शोषून घेत ऑक्सिजन बाहेर फेकतात. माणसाला जगण्यासाठी ऑक्सिजनची आवश्यकता असल्याने आम्ही झाड लावण्याचा हा महत्त्वपूर्ण उपक्रम राबवला.
- डॉ. विकास तोंडवळकर, सह प्रकल्प संचालक,
एमएमआरडीएद्वारे शनिवार २ जून रोजी सांताक्रूझ येथील जूहू चौपाटीवर आणि प्रकल्पांच्या ठिकाणी स्वच्छता मोहिमचं आयोजन केलं होतं. त्यावेळी एमएमआरडीएच्या कर्मचाऱ्यांसह शेकडो जणांनी प्रकल्पाच्या आजूबाजूचा आणि जुहू चौपाटीजवळील परिसर साफ केला.
दरवर्षी ५ जून हा दिवस जागतिक पर्यावरण दिन म्हणून पाळला केला जातो. या दिनानिमित्त मुंबईत ठिकठिकाणी स्वच्छता मोहीम राबवल्या जातात. त्याप्रमाणे मुंबई महानगर प्रदेश विकास प्रधिकरण (एमएमआरडीए)ने स्वच्छता मोहीम राबवली आहे. यावेळी एमएमआरडीएने स्वच्छता मोहीम राबवत त्यांच्या वांद्रे कास्टिंग यार्ड जवळील परिसरात वृक्षारोपण देखील केलं.