मुंबईत सध्या पावसाने विश्रांती घेतली आहे. मुंबईच्या अनेक भागात सोमवारी पावसाच्या हलक्या सरी कोसळत होत्या. परंतु मंगळवारी दिवसभर पावसानं विश्रांती घेतली. मागील २४ तासांत सांताक्रूझ वेधशाळेमध्ये ४ मिमी पावसाची नोंद झाली आहे. तसंच, कुलाबा वेधशाळेत ०.६ मिमी पावसाची नोंद झाली आहे. स्कायमेटच्या माहितीनुसार मुसळधार पावसाची शक्यता कमी आहे. परंतु, ढगाळ वातावरणामुळं हलक्या पावसाची शक्यता आहे.
पावसाच्या विश्रांतीमुळं तापमानात वाढ झाली आहे. उकड्यानं मुंबईकर हैराण झाले आहेत. उत्तर कोकण, गोवा आणि मुंबईत मुसळधार पावसाची शक्यता नाही. स्कायमेटच्या अंदाजानुसार हलका पाऊस पडेल. जुलै महिन्याच्या सरसरीनुसार आणखी पावसाची गरज आहे.
स्कायमेटच्या अंदाजानुसार, मुंबईत २६ व २७ रोजी मुंबईत मुसळधार पावसाची शक्यता आहे. मात्र, सध्यस्थितीत मुसळधार पावसाची शक्यता नाही.