बृहन्मुंबई महानगरपालिका (BMC) सर्व्हे करून झोपडपट्ट्या आणि डोंगराळ भागात पाण्याचे असमान वितरण या विषयावर लक्ष ठेवून आहे. हे लक्षात घेऊन, प्रशासनानं गोवंडीच्या चित्ता शिबिरात सर्वेक्षण सुरू केलं आहे.
असं म्हणतात की, या सर्वेक्षणात १.३५ कोटी खर्च येईल. यामुळे भविष्यात पाइपलाइन तसंच पाण्याच्या दाबाचे नियोजन सुधारण्यास मदत होईल. झोपडपट्ट्या आणि डोंगराळ भागातील अनेक रहिवाशांनी पाण्याचा कमी दाब, असमान पुरवठा इत्यादींची तक्रार केली आहे.
टेकडीवरील उतारासह विविध कारणांमुळे पाण्याचा दाब कमी असू शकतो. शिवाय काही भागात नेटवर्क लाईन लहान आहेत या वस्तुस्थितीमुळे देखील असू शकते. हे सर्वेक्षण पालिकेच्या हायड्रॉलिक्स विभागामार्फत केलं जाईल.
“सर्व्हेच्या आधारे हायड्रॉलिक विभाग उतार आणि अरुंद लेनवर पाण्याचा प्रवाह सुधारण्यासाठी पाइपलाइन, व्हॉल्व्हची मांडणी आखेल. कुठे आणि किती सांधे आवश्यक आहेत हे ठरवण्यातही मदत होईल, असं पालिका अभियंत्यानं सांगितलं.
हायड्रॉलिक विभागाचे उप अभियंता (बांधकाम) शिवशंकर अग्रवाल म्हणाले, “सर्व्हेचा भाग म्हणून लेननुसार क्षेत्राचे डिझाईन, लेनची रुंदी, उतार, उताराचे कोन असे नमूद केलं जाईल. मग हायड्रॉलिक अभियांत्रिकीचे नियोजन विभाग पाण्याच्या रेषांचे एक डिझाईन बनवेल.”
पाईपलाईन टाकताना या पैलूंपैकी काही बाबी विचारात घेतल्या जात आहेत. हे सर्वेक्षण अधिकाऱ्यांना टँकरद्वारे पाणी पाठवून आव्हानात्मक भौगोलिक स्थान असलेल्या प्रदेशांचे निराकरण करण्यात मदत करेल.
चिता कॅम्पमधील सेक्टर सी, डी, ई, जे, के, एच, कस्टम कॉलनी रोड, पायली पाडा, दत्ता नगर एमजीआर ते एस्सेल स्टुडिओ इथं सर्वेक्षण करण्यात येणार असल्याचं अधिकाऱ्यांनी सांगितलं. या सर्वेक्षणात ५० हेक्टर क्षेत्रफळ येईल. या भागातील लोक तसंच झोपड्यांची संख्यादेखील लक्षात घेतली जाईल. सद्यस्थितीत सर्वेक्षण पूर्ण करण्याची अंतिम मुदत तीन महिने आहे.
सर्वेक्षण पूर्ण झाल्यानंतर प्रशासयन पाइपलाइन टाकण्यासाठी ठेकेदाराची नेमणूक करेल. मानखुर्द आणि घाटकोपरच्या डोंगराळ भागातील झोपडपट्टीत याच प्रकाराचे सर्वेक्षण केले जाईल, असं अधिकाऱ्यांनी सांगितलं.