प्रसिद्ध ज्योतिषी बेजान दारुवाला यांचं कोरोनाची लागण झाल्याने निधन झालं आहे. अहमदाबाद येथील खासगी रुग्णालयात त्यांनी अखेरचा श्वास घेतला. ते ९० वर्षांचे होते. एका आठवड्यापासून त्यांना रुग्णालयात दाखल करण्यात आले होते. त्यांना श्वास घेण्यास त्रास जाणवत होता. अखेर शुक्रवारी त्यांचा मृत्यू झाला.
ते गणपतीचे कट्टर भक्त होते. त्यांनी अनेक वर्तमानपत्रे व प्रकाशने यासाठी स्तंभही लिहिले होते. नरेंद्र मोदी, मोरारजी देसाई, अटलबिहारी वाजपेयी आणि इतर बरीच लोकप्रिय व्यक्तींच्या भविष्याचा अंदाज दारूवाला यांनी वर्तविला होता.