पुणे-मुंबई प्रवास करणाऱ्यांना (Pune mumbai old highway) आता डबल झटका बसलाय. कारण पुणे मुंबई द्रुतगती प्रमाणेच आता जुन्या पुणे मुंबई महामार्गावरील टोल मध्ये तब्बल 18 टक्क्यांने वाढ होणार आहे. 1 एप्रिल 2023 पासून नवे दर लागू होणार असल्यानं प्रवाशांच्या खिशाला मोठा फटका बसणार आहे.
याच मार्गावरील सोमटणे टोल नाका बंद करावा, या मागणीसाठी आमरण उपोषण तर 14 मार्चला मावळवासीय रस्त्यावर उतरले होते. त्यावेळी सार्वजनिक बांधकाम मंत्र्यांनी स्वतः आंदोलनस्थळी येत यावर तोडगा काढण्याचं आश्वासन दिलं होतं. पण उलट 1 एप्रिल 2023 पासून या टोलमध्ये आणखी वाढ करण्यात आली. त्यामुळे आता मुंबई-पुणे जुन्या मार्गावरील प्रवासासाठीदेखील जास्तीचे पैसे मोजावे लागणार आहे.
वाहन | जुने | नवे |
कार | 135 | 156 |
हलके वाहन | 240 | 277 |
ट्रक / बस | 476 | 551 |
अवजड वाहन | 1023 | 1184 |
स्थानिकांसाठी
वाहन | जुने | नवे |
कार | 41 | 47 |
हलके वाहन | 72 | 83 |
ट्रक / बस | 143 | 165 |
अवजड वाहन | 307 | 355 |
दुसरीकडे पुणे मुंबई द्रुतगती मार्गावरील टोल महागल्यानं जुन्या पुणे मुंबई माहामार्गाने प्रवास करण्याच्या विचारात असणाऱ्या प्रवाशाना हा डबल झटका बसला आहे.
हेही वाचा