विलेपार्ले येथे पश्चिम द्रुतगती महामार्गावर वाळूने भरलेला ट्रक बुधवारी पहाटे उलटला. यामुळे भल्या पहाटे मुंबईकरांना वाहतूक कोंडीचा सामना करावा लागला. नेमका हा अपघात का झाला याचे कारण अद्याप जरी कळू शकलेलं नसलं तरी यामध्ये कुणालाही दुखापत झालेली नाही.
भल्या पहाटे ट्रक उलटल्यामुळे सांताक्रुज आणि मिलन सबवे दरम्यान मुंबईकरांना वाहतूक कोंडीला तोंड द्यावे लागले. त्यामुळे मुंबईकरांची सकाळची सुरुवात ही वाहतूक कोंडीनेच झाली.