महाराष्ट्र राज्य खादी आणि ग्रामोद्योग मंडळाचे प्रसिद्ध मध ब्रँड 'मधुबन' आता संजय गांधी राष्ट्रीय उद्यानातही उपलब्ध आहे. उद्यानातील मध विक्री केंद्राचे उद्घाटन खासदार गोपाळ शेट्टी यांच्या हस्ते झाले. यावेळी मंडळाचे अध्यक्ष रवींद्र साठे, संजय गांधी पार्कचे संचालक जी मल्लिकार्जुन, मंडळाचे मुख्य कार्यकारी अधिकारी आर विमला, उपमुख्य कार्यकारी अधिकारी बिपीन जगताप, संजय सोनावळे, रेणुका कुलकर्णी आदी उपस्थित होते.
संजय गांधी राष्ट्रीय उद्यानात मोठ्या प्रमाणात फुलझाडे आहेत ज्यातून चांगल्या दर्जाचा मध तयार होऊ शकतो. त्यामुळे खादी आणि ग्रामोद्योग मंडळ आणि वनविभागाच्या मदतीने राष्ट्रीय उद्यानात मधमाशीपालन केले जाणार आहे. यासाठी येथील कर्मचाऱ्यांना खादी व ग्रामोद्योग मंडळाकडून मधमाशी पालनाचे प्रशिक्षण दिले जाणार आहे. यासोबतच मधमाशांच्या पोळ्या देऊन मधही उद्यानातून खरेदी करणार आहे.
यासोबतच येथे येणाऱ्या पर्यटकांना मधाचा गोडवा चाखता यावा यासाठी उद्यानात ‘मधुबन’ मध विक्री केंद्रही सुरू करण्यात आले आहे.
हेही वाचा
Share
Tweet
