मुंबई शेअर बाजाराचा निर्देशांक सेन्सेक्सने बुधवारी नवा उच्चांक सर करत पहिल्यांदाच पस्तीशी गाठली. तर राष्ट्रीय शेअर बाजाराचा निफ्टीही १०,८०० च्या जवळ पोहोचला. विशेष म्हणजे केवळ १७ ट्रेडिंग सेशनमध्ये सेन्सेक्सने १००० हजार अंकांची वाढ नोंदवली आहे.
बुधवारच्या व्यावसायिक सत्रात सेन्सेक्सने तिहेरी शतक (३१२.८९ अंक) झळकावत ३५,०८३ चा आकडा गाठला. त्याचसोबत निफ्टीनेही ८८ अंकांनी वधारून १०,७८७ वर मजल मारली. आयटी आणि बँकिंग शेअर्सच्या चौफेर खरेदीने शेअर बाजाराने उसळी मारली.
बँकिंग शेअर्समध्ये कर्नाटक बँक, सिंडिकेट बँक, बँक आॅफ बडोदा, अॅक्सिस बँक, एसबीआय इ. बँकांच्या शेअर्समध्ये तेजी दिसली. तर आयटी शेअर्समध्ये इन्फोसिस, टीसीएस, माईंड ट्री इ. कंपन्यांचे शेअर्स वधारले.
तारीख | सेन्सेक्स | निफ्टी |
---|---|---|
१५ जानेवारी | ३४,९६३.६९ | १०,७८२.६५ |
१२ जानेवारी | ३४,६३८.४२ | १०,६९०.२५ |
९ जानेवारी | ३४,५६५.६३ | १०,६६४.६० |
८ जानेवारी | ३४४८७.५२ | १०,६३१.२० |
५ जानेवारी | ३४,१७५ | १०,५६६.१० |