शुक्रवारी रात्री 12 नंतर तुमचं आयुष्य बदलणार आहे! होय. कारण रात्री 12 वाजल्यानंतर देशभरात जीएसटी अर्थात एक करप्रणाली लागू होणार आहे. यामध्ये सर्व वस्तू व सेवा कर एकत्रित करण्यात आले आहेत. त्यामुळे अगदी रात्री 11 वाजता जर तुम्ही कोणता व्यवहार करत असाल आणि तो 12 वाजेच्या पुढे जाऊन संपला, तर कदाचित तुम्हाला त्या व्यवहारावर वाढीव कर अर्थात जीएसटी भरावा लागण्याची शक्यता आहे!

हॉटेल, बससेवा, किंवा मोबाईल रिचार्ज अशा प्रकारच्या सेवा जर तुम्ही रात्री 12 वाजेच्या आसपास वापरत असाल, तर तुम्हाला त्यावर अतिरिक्त जीएसटी भरावा लागणार आहे.

हॉटेल-

जर तुम्ही शुक्रवारी हॉटेलमध्ये जेवायला गेलात आणि तुमचे बिल रात्री 12 नंतर तयार होत असेल तर तुमच्या बिलावर जीएसटी चार्ज लागेल. त्यामुळे 12 वाजेच्या आधी मेन्यूकार्डमध्ये असलेल्या मेन्यूच्या किंमती 12 नंतर लागू असणार नाहीत.

कॅब सर्व्हिस-

जर तुम्ही कॅब बुक करत असाल आणि रात्री 12 वाजल्यानंतर पैसे देणार असाल तर त्यातही जीएसटी लागू होईल. अर्थात तुम्ही जर रात्री 12 वाजेच्या आधी कॅब बुक केलीत आणि तुमचा प्रवास रात्री 12 नंतर संपला, तर तुम्हाला संबंधित कॅब कंपनीने मान्य केलेल्या बिलापेक्षा अतिरिक्त रक्कमही अदा करावी लागेल.

मोबाईल बिल आणि रिचार्ज

महिन्याच्या शेवटी सामान्यपणे आपले मोबाईल बिल तयार होते. मात्र तुम्ही त्या बिलामध्ये आलेली रक्कमच अंतिम धरुन चाललात, तर तुम्ही चूक करत आहात. कारण 30 तारखेला आलेलं बिल तुम्ही 1 जुलैनंतर भरणार असाल, तर तुम्हाला बिलाच्या रकमेमध्ये अतिरिक्त जीएसटी भरावा लागणार आहे.

याव्यतिरिक्त अजून अशा अनेक सेवा आहेत ज्या जीएसटीमुळे महागणार असून काही सेवा या स्वस्तही झाल्या आहेत.

हेही वाचा

जीएसटी आला, पण 761 औषधांवर फारसा परिणाम नाही !

डाऊनलोड करा Mumbai live APP आणि रहा अपडेट

मुंबईशी संबंधित प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा

(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)