खासगी प्रयोगशाळांमध्ये कोरोना चाचणी करण्यासाठी आता डॉक्टरांच्या चिठ्ठीची (प्रिस्क्रिप्शन) गरज भासणार नाही. त्यामुळे कोरोनाची लक्षणं असलेल्या व्यक्तीला थेट वैद्यकीय चाचणी (bmc issued list of covid 19 testing lab in mumbai) करता येणार आहे. मुंबई महापालिकेने याबाबतची नवीन नियमावली जाहीर केली आहे.
इंडियन काऊन्सिल आॅफ मेडिकल रिसर्च (ICMR) च्या नियमावलीनुसार आतापर्यंत खासगी प्रयोगशाळांमध्ये कोरोनाची चाचणी करण्यासाठी डॉक्टरची चिठ्ठी बंधनकारक होती. पण आता पालिकेच्या नव्या नियमानुसार, कोरोनाची लक्षणे असलेल्या व्यक्तीला खासगी प्रयोगशाळेत डाॅक्टरांच्या चिठ्ठीटी गरज भासणार नाही. तसंच प्रयोगशाळेपर्यत पोहोचू न शकणाऱ्या ज्येष्ठ व्यक्ती किंवा इतर आजारांच्या व्यक्तींच्या चाचण्या घरी जाऊन करण्याची परवानगीही पालिकेने खासगी प्रयोगशाळांना दिली आहे.
हेही वाचा - कोरोना चाचणीसाठी आता डॉक्टरांच्या चिठ्ठीची नाही गरज
त्यानुसार महापालिकेने १७ प्रयोगशाळांची यादी जाहीर केली आहे जिथं डाॅक्टरांच्या चिठ्ठीशिवाय कोरोनाची चाचणी करता येऊ शकेल. या प्रयोगशाळांमध्ये जाऊन चाचणी केल्यास २५०० रुपये शुल्क द्यावे लागतील, तर प्रयोगशाळेतील कर्मचाऱ्याने घरी जाऊन चाचणी केल्यास २८०० रुपये शुल्क द्यावे लागतील. प्रयोगशाळांची यादी पुढीलप्रमाणे :
1. Thyrocare
2. Suburban
3. HN Reliance
4. Metropolis
5. SRL
6. Infexn
7. Kokilaben
8. SRL Phadke
9. IGENETICS
10. PD Hinduja
11. Qualilife Diagnostics
12. Dr. Jariwala
13. Nanavati Hospital
14. Sunflower
15. NM Medical
16. Jaslok
17. Life Care Diagnostic
हेही वाचा - मिरा-भाईंदरमध्ये घरातील विलगीकरण बंद, 'हे' आहे कारण