रिअल इस्टेट सल्लागार कंपनी प्रॉपटायगरच्या अहवालानुसार, घरांच्या विक्रीत घट होऊनही, जानेवारी-मार्च 2026 या तिमाहीत मुंबई (mumbai) महानगर प्रदेश (MMR) आणि पुण्यातील (pune) घरांच्या (house) किमती वाढल्या.
अलीकडील रिअल इस्टेट बाजार अहवालानुसार, मुंबई महानगर प्रदेशात (एमएमआर) घरांच्या सरासरी किमतीत वार्षिक 20 टक्क्यांनी वाढ झाली. तसेच पुण्यात 11 टक्क्यांची वाढ नोंदवली गेली.
निवासी मालमत्तांची सातत्यपूर्ण मागणी आणि वाढत्या बांधकाम व जमिनीच्या किमतींमुळे ही वाढ झाली आहे.
अहवालात नमूद केले आहे की, काही बाजारपेठांमध्ये विक्रीच्या (sales) प्रमाणात घट होऊनही प्रमुख शहरांमध्ये घरांच्या किमती वाढतच राहिल्या आहेत.
प्रीमियम आणि लक्झरी गृहनिर्माण विभागांमुळे किमती मोठ्या प्रमाणात वाढल्या आहेत. तसेच पहिल्यांदा घर खरेदी करणाऱ्यांसाठी परवडण्याजोग्या किमती नसल्याने अशा ग्राहकांमध्ये चिंता वाढली आहे.
उद्योग तज्ज्ञांच्या मते, मालमत्तेच्या किमतींमधील या वाढीमागे वाढलेला उत्पादन खर्च, पायाभूत सुविधांवर आधारित विकास आणि ग्राहकांची जोरदार मागणी ही मूळ कारणे आहेत.
घरांच्या किमती वाढतच राहिल्याने, मुंबई आणि पुण्यातील संभाव्य खरेदीदारांना येत्या काही महिन्यांत अनपेक्षित वाढत्या किंमतीला सामोरे जावे लागण्याची शक्यता आहे.
हेही वाचा