यामुळे बस आणि मेट्रोचे तिकीट एकाच प्लॅटफॉर्मवर बुक करता येणार असून, दररोज बस आणि मेट्रोने प्रवास करणाऱ्या प्रवाशांचा प्रवास अधिक सोपा होण्याची अपेक्षा आहे.
सध्या मुंबईतील खालील मेट्रो मार्गांसाठी Cityflo App वरून तिकीट बुक करता येणार आहे:
मेट्रो लाइन 1
मेट्रो लाइन 2A
मेट्रो लाइन 7
मेट्रो लाइन 9
मेट्रो लाइन 3 – Aqua Line
यासोबतच दिल्ली मेट्रो नेटवर्कवरही ही सुविधा उपलब्ध आहे.
प्रवासी अॅपवर आपला मार्ग शोधून वन-वे किंवा राउंड-ट्रिप QR तिकीट बुक करू शकतात.
तिकीट बुक केल्यानंतर मिळालेला QR कोड थेट मेट्रो स्थानकाच्या गेटवर स्कॅन करता येईल.
एका व्यवहारात जास्तीत जास्त 6 तिकिटे बुक करता येणार आहेत. विशेष म्हणजे, ही सुविधा सुरू करताना अतिरिक्त बुकिंग फी आकारली जाणार नाही.
Cityflo ची मुंबई मेट्रो रेल कॉर्पोरेशन अर्थात MMRCL सोबत आधीपासून भागीदारी आहे. Aqua Lineच्या स्थानकांना जोडण्यासाठी Cityflo फीडर बस सेवा पुरवते.
आता त्याच प्लॅटफॉर्मवर मेट्रो तिकीट बुकिंगची सुविधाही उपलब्ध झाल्याने फीडर बस + मेट्रो असा संपूर्ण प्रवास एकाच अॅपवर प्लॅन करता येणार आहे.
MMRCL चे संचालक आर. रमणा यांच्या मते, फीडर बस सेवा आणि मेट्रो तिकीट एकाच प्लॅटफॉर्मवर उपलब्ध झाल्याने प्रवाशांना दैनंदिन प्रवास अधिक सोयीचा होईल आणि प्रवासाचे पर्यायही वाढतील.
ONDC इंटिग्रेशनमुळे सार्वजनिक वाहतूक तिकीट सेवा केवळ संबंधित वाहतूक संस्थांच्या अॅपपुरती मर्यादित न राहता इतर डिजिटल प्लॅटफॉर्मवरूनही उपलब्ध होऊ शकते.
त्यामुळे बस आणि मेट्रोसाठी वेगवेगळे अॅप उघडण्याची आणि वेगवेगळी तिकिटे सांभाळण्याची गरज कमी होणार आहे.
Cityflo ची सुरुवात 2015 मध्ये झाली असून कंपनीच्या माहितीनुसार, मुंबई, दिल्ली, हैदराबाद आणि कोलकाता येथे कंपनी 1,200 हून अधिक बसेस चालवते आणि दरवर्षी सुमारे 1.8 कोटी प्रवासी राइड्स सेवा देते.
म्हणजेच, आता मुंबईत बसने स्टेशनपर्यंत जाणे आणि पुढे मेट्रोने प्रवास करणे—दोन्हींचे नियोजन आणि मेट्रो तिकीट बुकिंग Cityflo App वरून करता येणार आहे.
हेही वाचा