नेपाळमधील (Nepal) रसुवा जिल्ह्यात भोटे कोसी नदीला आलेल्या भीषण पुरामुळे (Flood) जनजीवन पूर्णपणे विस्कळीत झाले आहे. विविध देशांतील आणि राज्यांतील अनेक पर्यटक तिथे अडकले आहेत.
या संदर्भात, महाराष्ट्र (maharashtra) राज्य आपत्ती व्यवस्थापन प्राधिकरणाने (मंत्रालय, मुंबई (mumbai)) अडकलेल्या लोकांची माहिती गोळा करण्यासाठी आणि त्यांना तात्काळ मदत पुरवण्यासाठी ही लिंक उपलब्ध करून दिली आहे.
माहिती नोंदणीसाठी लिंक:
https://geospatial.mahaseoc.in/Sahayata_gulf/
जनतेला आवाहन
नेपाळमधील पुरामुळे बाधित झालेल्या महाराष्ट्रातील लोकांसाठी हेल्पलाइन (Helpline) क्रमांक जारी केले जात आहेत. हा क्रमांक मंत्रालयाच्या नियंत्रण कक्षात 24 तास कार्यरत आहे. मदतीची गरज असलेल्या कोणालाही खालील क्रमांकावर संपर्क साधण्याची विनंती आहे.
राज्य नियंत्रण कक्ष हेल्पलाइन: 1070 (टोल-फ्री क्रमांक)
नियंत्रण कक्ष: +91-9321587143
अधिकृत ईमेल: controlroom@maharashtra.gov.in जर कोणताही महाराष्ट्रीय नागरिक किंवा पर्यटक नेपाळमध्ये अडकला असेल, तर त्यांच्या कुटुंबीयांना किंवा नातेवाईकांना विनंती आहे की त्यांनी दिलेल्या लिंकवर जाऊन आपला संपूर्ण तपशील भरावा.
नेपाळमध्ये अडकलेल्या पर्यटकांबद्दल प्रशासनाला माहिती देताना, व्यक्तीचे नाव, मोबाईल क्रमांक, नेपाळमधील सध्याचे ठिकाण/हॉटेल, प्रवासाचा तपशील आणि, असल्यास, कुटुंबाचे संपर्क क्रमांक देण्याची विनंती आहे.
हेही वाचा