अंधेरी मरोळ भागातील विजय नगर येथील वूडलँड सोसायटीत बिबट्याचा वावर सीसीटीव्ही कॅमेऱ्यात कैद झाल्याने सगळीकडे एकच घबराट पसरली आहे. याबाबतची माहिती वन विभागाला कळवल्यावर वन विभागाच्या कर्मचाऱ्यांनी या बिबट्याला पकडण्यासाठी प्रयत्न सुरू केले आहेत.
कधी आला प्रकार उघडकीस?
वूडलँड सोसायटीच्या आवारातील सीसीटीव्ही कॅमेऱ्यात सोमवारी सकाळी बिबट्या आढळून आला. या प्रकारानंतर सोसायटीच्या रहिवाशांनी सव्वा दहाच्या सुमारास त्वरीत वन विभागाला कळवलं. तोपर्यंत बिबट्या सोसायटीत घुसल्याची खबर आजूबाजूला पोहोचल्याने परिसरात एकच गर्दी झाली. त्यामुळे वन विभागाने खबरदारीचा उपाय म्हणून रहिवाशांना सोसायटी जाण्यास प्रतिबंध केला आहे.
आश्रयस्थाने नष्ट
या बिबट्याने आतापर्यंत कुणालाही दुखापत केलेली नसून वन विभागाच्या अधिकाऱ्यांनी बिबट्याला पकडण्यासाठी सापळा रचला आहे. विजय नगरचा परिसर आरे काॅलनीपासून केवळ १०० मीटरच्या अंतरावर आहे. अनधिकृत बांधकाम तसंच परिसरातील झाडांची मोठ्या प्रमाणात कत्तल झाल्याने पशुपक्ष्यांची आश्रयस्थाने झपाट्याने नष्ट होत आहे. परिणामी बिबट्याचा वावर इथे नेहमीचाच झाला आहे.
अंधेरी मरोळ भागातील विजय नगर येथील वूडलँड सोसायटीत बिबट्याचा वावर सीसीटीव्ही कॅमेऱ्यात कैद झाल्याने सगळीकडे एकच घबराट पसरली आहे. याबाबतची माहिती वन विभागाला कळवल्यावर वन विभागाच्या कर्मचाऱ्यांनी या बिबट्याला पकडण्यासाठी प्रयत्न सुरू केले आहेत.
कधी आला प्रकार उघडकीस?
वूडलँड सोसायटीच्या आवारातील सीसीटीव्ही कॅमेऱ्यात सोमवारी सकाळी बिबट्या आढळून आला. या प्रकारानंतर सोसायटीच्या रहिवाशांनी सव्वा दहाच्या सुमारास त्वरीत वन विभागाला कळवलं. तोपर्यंत बिबट्या सोसायटीत घुसल्याची खबर आजूबाजूला पोहोचल्याने परिसरात एकच गर्दी झाली. त्यामुळे वन विभागाने खबरदारीचा उपाय म्हणून रहिवाशांना सोसायटी जाण्यास प्रतिबंध केला आहे.
आश्रयस्थाने नष्ट
या बिबट्याने आतापर्यंत कुणालाही दुखापत केलेली नसून वन विभागाच्या अधिकाऱ्यांनी बिबट्याला पकडण्यासाठी सापळा रचला आहे. विजय नगरचा परिसर आरे काॅलनीपासून केवळ १०० मीटरच्या अंतरावर आहे. अनधिकृत बांधकाम तसंच परिसरातील झाडांची मोठ्या प्रमाणात कत्तल झाल्याने पशुपक्ष्यांची आश्रयस्थाने झपाट्याने नष्ट होत आहे. परिणामी बिबट्याचा वावर इथे नेहमीचाच झाला आहे.