भेसळखोरांवर कठोर कारवाई व्हायलाच हवी, मात्र त्याचा फटका पारंपरिक तेल विक्रेते आणि छोट्या दुकानदारांना बसता कामा नये, अशी भूमिका फडणवीस यांनी मांडली.
FDAने भेसळ रोखण्यासाठी स्वतंत्र Standard Operating Procedure म्हणजेच SOP तयार करावी, अशी सूचनाही मुख्यमंत्र्यांनी केली आहे. या SOPमुळे अन्नतेलातील भेसळ रोखता येईल आणि त्याचवेळी पारंपरिक तेल विक्रेत्यांच्या व्यवसायावर विपरीत परिणाम होणार नाही, याची काळजी घेतली जाणार आहे.
FDAच्या कडक कारवाईचा छोट्या व्यापाऱ्यांसह कमी प्रमाणात खाद्यतेल खरेदी करणाऱ्या ग्राहकांवर होणाऱ्या परिणामाबाबत राज्य मंत्रिमंडळात चिंता व्यक्त करण्यात आली होती. त्यानंतर मुख्यमंत्र्यांनी हस्तक्षेप केला.
अन्नाची गुणवत्ता आणि सुरक्षितता कायम ठेवणं हे सरकारचं उद्दिष्ट आहे, मात्र नियमांची अंमलबजावणी करताना व्यापारी आणि आर्थिकदृष्ट्या दुर्बल ग्राहकांच्या हिताचाही विचार केला पाहिजे, असं फडणवीस यांनी स्पष्ट केलं.
FDA आयुक्त तुकाराम मुंढे यांच्या नेतृत्वाखाली FDAने नुकतीच सुटं किंवा सीलबंद नसलेलं खाद्यतेल विकणाऱ्यांविरोधात कठोर भूमिका घेतली होती. भेसळ, असुरक्षित पॅकेजिंग आणि तेलाचा स्रोत शोधण्यात येणाऱ्या अडचणी यामुळे ही कारवाई करण्यात येत आहे.
मात्र आता मुख्यमंत्र्यांच्या हस्तक्षेपानंतर भेसळखोरांवर कठोर कारवाई आणि छोट्या व्यापारी-ग्राहकांचं संरक्षण यामध्ये समतोल साधण्याचा प्रयत्न सरकारकडून केला जाणार आहे.
हेही वाचा