याशिवाय, वॉर्ड कार्यालयांमधील Civil Facilitation Centres (CFCs) मध्ये जन्म आणि मृत्यू नोंदणी तसेच प्रमाणपत्रातील दुरुस्तीसाठी अर्ज स्वीकारण्यास सुरुवात झाली आहे.
नव्या व्यवस्थेनुसार, मुलाच्या जन्मानंतर 15 वर्षांच्या आत अर्ज केल्यास जन्म दाखल्यावर मुलाचं नाव तीन कामकाजाच्या दिवसांत जोडता येणार आहे.
विवाह प्रमाणपत्रातील दुरुस्तीची प्रक्रियाही तीन कामकाजाच्या दिवसांत पूर्ण करण्याचं नियोजन आहे.
मात्र, जन्म आणि मृत्यू प्रमाणपत्रातील दुरुस्तीसाठी 25 कामकाजाचे दिवस लागू शकतात.
CFCमध्ये जन्म प्रमाणपत्रातील विविध माहितीमध्ये दुरुस्ती करण्यासाठी अर्ज करता येणार आहे. यामध्ये—
मुलाचं नाव
आई-वडिलांची नावं
कायमस्वरूपी किंवा तात्पुरता पत्ता
जन्मतारीख
लिंग
यांचा समावेश आहे.
याशिवाय मृत्यू प्रमाणपत्र आणि विवाह प्रमाणपत्रातील दुरुस्ती तसेच जुन्या जन्म-मृत्यू प्रमाणपत्रांचं QR कोड असलेल्या प्रमाणपत्रांमध्ये रूपांतर करण्यासाठीही CFCमध्ये अर्ज करता येणार आहे.
अर्ज करताना आवश्यक कागदपत्रं सादर करावी लागतील. अर्जाची पावती मिळाल्यानंतर त्यावर असलेल्या Unique IDच्या माध्यमातून नागरिकांना आपल्या अर्जाचा स्टेटस ट्रॅक करता येणार आहे.
जुन्या जन्म आणि मृत्यू प्रमाणपत्रांसाठी CFCमध्ये स्वतंत्र काउंटर उपलब्ध करून देण्यात आला आहे.
मूळ प्रमाणपत्र उपलब्ध असणं आणि वॉर्ड स्तरावरील रेकॉर्डची पडताळणी होणं आवश्यक आहे. संबंधित रेकॉर्ड उपलब्ध असल्यास सुमारे 25 कामकाजाच्या दिवसांत QR कोड असलेलं प्रमाणपत्र देण्याचा BMCचा प्रयत्न आहे.
मात्र, जुन्या नोंदी स्थानिक पातळीवर सापडल्या नाहीत तर प्रक्रिया अधिक वेळ घेऊ शकते.
BMC आयुक्त अश्विनी भिडे यांनी या नव्या सुविधांबाबत नागरिकांमध्ये मोठ्या प्रमाणावर जनजागृती करण्याचे निर्देश दिले आहेत. CFCमध्ये माहिती फलक लावण्याचे आणि अर्जाची प्रक्रिया नागरिकांना व्यवस्थित समजावून सांगण्याचे निर्देशही अधिकाऱ्यांना देण्यात आले आहेत.
मात्र, CRS वेबसाइटची उपलब्धता, इंटरनेट कनेक्टिव्हिटी, जुन्या नोंदींची उपलब्धता, संबंधित विभागावरील कामाचा ताण आणि आवश्यक मंजुरी यामुळे प्रत्यक्ष वेळेत काही बदल होऊ शकतो, असं BMCने स्पष्ट केलं आहे.
या सर्व सेवा Registration of Births and Deaths Act, 1969, 2023 मधील सुधारित कायदा आणि राज्य सरकारच्या संबंधित मार्गदर्शक सूचनांनुसार राबवल्या जाणार आहेत.
हेही वाचा