मुंबईहून कोकण आणि गोव्याकडे जाणाऱ्या प्रवाशांच्या सोयीसाठी गेल्या अनेक वर्षांपासून रखडलेला मुंबई-गोवा महामार्ग सप्टेंबर 2024 पर्यंत पूर्ण होणार आहे. त्याचबरोबर सिंधुदुर्गाकडे जाणारा दुसरा रस्ता आणि पुढे गोव्याकडे जाणाऱ्या ग्रीनफिल्ड कॉरिडॉरचा सविस्तर प्रकल्प आराखडा तयार करण्याचे काम सुरू आहे. यामुळे कोकणातील प्रवाशांना थेट रस्ता उपलब्ध होणार असल्याचे मुख्यमंत्री एकनाथ शिंदे यांनी सांगितले.
मुख्यमंत्री एकनाथ शिंदे यांनी कल्याण-डोंबिवलीत हजेरी लावली. या भेटीदरम्यान आज मुख्यमंत्री एकनाथ शिंदे यांच्या हस्ते कर्करोग रुग्णालयाचे भूमिपूजन करण्यात आले. यावेळी मुख्यमंत्र्यांच्या हस्ते डोंबिवलीतील विविध विकासकामांचे भूमिपूजन आणि उद्घाटनही ऑनलाइन करण्यात आले. या कार्यक्रमाला मुख्यमंत्री एकनाथ शिंदे यांच्यासह ठाणे जिल्ह्याचे पालकमंत्री शंभूराज देसाई, सार्वजनिक बांधकाम मंत्री रवींद्र चव्हाण, आमदार रवींद्र फाटक आदी नेते उपस्थित होते.
रुग्णालय कसे सुसज्ज असेल?
कॅन्सर रुग्णालयाच्या बांधकामासाठी खासदार डॉ. श्रीकांत शिंदे यांचा राज्य सरकारकडून पाठपुरावा केला जात होता. मंत्री रवींद्र चव्हाण हेही हे रुग्णालय बांधण्यासाठी प्रयत्नशील होते. दोन्ही लोकप्रतिनिधींच्या देखरेखीनंतर ठाणे जिल्ह्यात लवकरच कॅन्सर हॉस्पिटल सुरू होणार असून नवीन कॅन्सर हॉस्पिटल 8 मजल्यांचे असणार आहे.
तसेच या रुग्णालयात 150 खाटा असतील. त्यापैकी 100 खाटा कर्करोग रुग्णांसाठी असतील. प्रसूती रुग्णालयासाठी 50 खाटा राखीव ठेवण्यात आल्या आहेत. या रुग्णालयात सर्व प्रसूती सेवा मोफत उपलब्ध असतील.
हेही वाचा