दरम्यान, मध्य रेल्वेने रविवारी सायन ROB साठी 500 टन वजनाचा दुसरा सेमी-थ्रू स्टील गर्डर यशस्वीपणे लाँच केला. यामुळे रेल्वे मार्गावरील दोन्ही मोठे स्टील गर्डर आता बसवण्यात आले आहेत.
माटुंगा ते कुर्ला दरम्यान नियोजित तीन तासांच्या रात्रीच्या ट्रॅफिक आणि पॉवर ब्लॉकमध्ये हे काम करण्यात आले. त्यामुळे लोकल सेवांवर कमीत कमी परिणाम होईल, याची काळजी घेण्यात आली.
पहिला 500 टनांचा गर्डर 22 जून रोजी बसवण्यात आला होता. दुसरा गर्डर आधी 20 जूनला लॉन्च होणार होता. त्यानंतर ही तारीख 30 जूनपर्यंत पुढे ढकलण्यात आली आणि अखेर रविवारी त्याचे लॉन्चिंग पूर्ण झाले.
रेल्वे मार्गावरील मोठे गर्डर बसवण्याचे काम पूर्ण झाले असले, तरी सायन ROB वाहतुकीसाठी खुला करण्यापूर्वी BMC ची अनेक कामे अद्याप बाकी आहेत.
यामध्ये अप्रोच रोड, दोन पादचारी अंडरपास आणि इतर नागरी पायाभूत सुविधांची कामे पूर्ण करावी लागणार आहेत. त्यामुळे 15 ऑगस्टची आधीची डेडलाइन आता जवळपास दीड महिन्याने पुढे ढकलली जाणार आहे.
शंभर वर्षांहून अधिक जुना सायन पूल ऑगस्ट 2024 पासून वाहतुकीसाठी बंद आहे. पुलाच्या बंदमुळे वाहनचालकांना पर्यायी मार्गांचा वापर करावा लागत असून, आसपासच्या रस्त्यांवर वाहतूक कोंडीचा मोठा प्रश्न निर्माण झाला आहे.
सायन ROB ची पुनर्बांधणी BMC आणि मध्य रेल्वेच्या संयुक्त विद्यमाने केली जात आहे. रेल्वे रुळांवरील पुलाचा भाग मध्य रेल्वेच्या अखत्यारीत असून, अप्रोच रोड, पादचारी अंडरपास आणि संबंधित नागरी कामांची जबाबदारी BMCकडे आहे.
या प्रकल्पाचा खर्चही सुमारे 42.8 कोटी रुपयांवरून जवळपास 50 कोटी रुपयांपर्यंत वाढला आहे.
दोन्ही 500 टनांचे गर्डर बसवण्याचे मोठे काम पूर्ण झाले असले, तरी आता BMCच्या उर्वरित कामांकडे लक्ष लागले आहे. त्यामुळे सायन ROB कधी प्रत्यक्षात वाहतुकीसाठी खुला होणार, यासाठी मुंबईकरांना आणखी काही आठवडे प्रतीक्षा करावी लागणार आहे.
हेही वाचा