कधी रेल्वे रुळाला तडे जातात तर कधी रुळावर पाणी साचतं आणि कोणत्या ना कोणत्या कारणानं ट्रेन बंद पडते. मात्र गुरुवारी चक्क एका सापाने लोकल रोखून धरली.
ठाण्याहून सीएसएमटी स्थानकाकडे जाणाऱ्या लोकलमध्ये सकाळी 9.30 वाजताच्या दरम्यान साप आढळून आला. यामुळे प्रवाशांमध्ये गोंधळ उडाल्याने लोकल मध्येच थांबली. यामुळे मागच्या लोकल गाड्याही थांबल्या.
सकाळी 8.33 वाजण्याच्या दरम्यान टिटवाळ्याहून निघालेली लोकल 9.20 ला ठाणे स्टेशनवर प्लॅटफॉर्म क्रमांक चारवर पोहचली. त्यावेळी या लोकलमधील एका प्रवाशाचं लक्ष पंख्याकडे गेलं. तेव्हा तिथे साप आढळून आला. त्याने इतर प्रवाशांचंही त्याकडे लक्ष वेधलं. त्यामुळे रेल्वेच्या डब्यात गोंधळाची परिस्थिती निर्माण झाली. यादरम्यान प्रवाशांनी चेन ओढत लोकल थांबवली. दरम्यान तातडीने रेल्वे कर्मचाऱ्यांची मदत घेत त्या सापाला एका लाकडी पट्टीच्या मदतीनं बाहेर काढलं आणि नंतर लोकल सुरू झाली.
हेही वाचा -