ठाणे महानगरपालिका क्षेत्रात २ जुलै रोजी सकाळी ७ वाजल्यापासून ते १२ जुलै सकाळी ७ वाजेपर्यंत लॉकडाऊन जाहीर करण्याची घोषणा प्रशासनाने केली आहे. विशेषकरून शहरातील कटेन्मेंट झोनमध्ये लाॅकडाऊनची अंमलबाजवणी अधिक कडकपणे करण्यात येणार आहे. ठाणे महापालिका आयुक्त आणि ठाणे पोलिस संयुक्त बैठकीत हा निर्णय घेण्यात आला आहे.
ठाण्यातील कोरोनाबाधित रुग्णांची संख्या सातत्याने वाढत असल्याने प्रशासनाची चिंता देखील वाढली आहे. त्यामुळे एका बाजूला राज्यात दुसऱ्या टप्प्यातील अनलाॅकला सुरूवात होत असतानाच ठाण्यात मात्र कठोर लाॅकडाऊन करण्याची वेळ प्रशासनावर आली आहे. ठाण्यामध्ये २९ जून २०२० रोजीच्या आकडेवारीनुसार ३६,००२ कोरोनाबाधित रुग्णांची नोंद झाली असून १४, ६५६ कोरोनाबाधित रुग्ण बरे होऊन घरी गेले आहेत. तर २०,४७४ कोरोनाबाधित रुग्णांवर उपचार सुरू आहेत. शिवाय ८७१ कोरोनाबाधित रुग्णांचा मृत्यूही झाला आहे. यापार्श्वभूमीवर ठाणे महापालिका आयुक्त आणि ठाणे पोलीस आयुक्तांमध्ये बैठक झाली या बैठकीनंतर २ जुलैपासून महापालिका क्षेत्रात कडक लाॅकडाऊन लागू करण्याचा निर्णय घेण्यात आला.
हेही वाचा - मिरा-भाईंदरमध्ये बुधवारपासून कडक लाॅकडाऊन
या लाॅकडाऊन दरम्यान निर्बंध पुढीलप्रमाणे:
हेही वाचा- वसई, विरार, नालासोपाऱ्यात 'असे' आहेत कंटेन्मेंट झोन