पश्चिम रेल्वेच्या मुंबई सेंट्रल डिव्हिजनने वांद्रे टर्मिनस येथील अॅक्सेस कंट्रोल पार्किंग सिस्टीम रद्द करण्यात आली होती. आता या जागी फक्त साधी पार्किंग-सिस्टम लागू करण्यात आली.
"26 फेब्रुवारी 2023 रोजी प्रायोगिक तत्वावर सुरू करण्यात आलेली अॅक्सेस कंट्रोल पार्किंग सिस्टीम वाहतूक कोंडी कमी करण्यासाठी डिझाइन करण्यात आली होती. या सिस्टीम अंतर्गत, परिसरात प्रवेश करणाऱ्या सर्व वाहनांना वेळेनुसार स्लिप मिळत होत्या, ज्यामुळे पिक-अप आणि ड्रॉप-ऑफसाठी पाच मिनिटांची मोफत विंडो मिळत होती. त्यानंतर वाहनाच्या प्रकारानुसार पार्किंग शुल्क आकारले जात होते," असे एका अधिकाऱ्याने सांगितले.
तथापि, या सिस्टीमवर नियमित प्रवासी आणि प्रवासी संघटनांकडून टीका करण्यात आली. नागरिकांनी आरोप केला की, सिस्टीम व्यवस्थापित करणारा कंत्राटदार मनमानीपणे शुल्क आकारून मार्गदर्शक तत्त्वांचे उल्लंघन करत आहे.
"केवळ विशिष्ट प्रवासी संघटनांकडूनच नव्हे तर वैयक्तिक प्रवासी आणि इतर विविध सामाजिक संघटनांकडूनही असंख्य तक्रारी आल्या होत्या," असे पश्चिम रेल्वेच्या एका वरिष्ठ अधिकाऱ्याने पुष्टी दिली. "सविस्तर आढावा घेतल्यानंतर, आम्ही असा निष्कर्ष काढला की ही प्रणाली अपेक्षितरित्या कार्य करत नव्हती आणि त्याचा गैरवापर होत होता."
जुन्या प्रणालीबद्दल विचारले असता, अधिकाऱ्याने सांगितले की, "पूर्वीच्या सेटअपमध्ये, खार स्टेशनकडे जाणाऱ्या स्थानिक रहिवाशांसाठी समर्पित लेन देखील उपलब्ध केली होती. ज्यामुळे त्यांना टर्मिनस पूर्णपणे बायपास करण्याची परवानगी मिळाली. वाहतूक सुरळीत करण्यासाठी नियुक्त पिक-अप आणि ड्रॉप-ऑफ पॉइंट्स सुरू करण्यात आले होते, परंतु करार मार्गदर्शक तत्त्वांच्या गैरवापराबद्दलच्या सततच्या तक्रारींमुळे ही प्रणाली काढून टाकण्यात आली."
हेही वाचा