टेनिस क्रिकेटमधील सुप्रिमो चषक या नावाजलेल्या क्रिकेट स्पर्धेच्या यंदाचा मोसमाचा शेवटही तेवढाच थरारक ठरला. विनर स्पोर्टस मराठा पंजाब संघाने जेतेपदाच्या लढतीत डोंबिवलीच्या शांतिरत्न प्रतिक संघाला ९ धावांनी पराभूत करून तिसऱ्यांदा ही स्पर्धा जिंकण्याचा पराक्रम करून दाखवला.
शाहीद शेख अाणि सुमित ढेकळे यांनी केलेल्या तुफानी फटकेबाजीमुळे विनर स्पोर्टस मराठा पंजाबने ८ षटकांत ५ बाद ७९ धावा उभारल्या. शाहीदने २३ तर सुमितने २६ धावांची खेळी केली. हे अाव्हान पार करताना शांतिरत्न प्रतिकला ८ षटकांत ८ बाद ७० धावांपर्यंतच मजल मारता अाली. अंबुटीने चार विकेट्स मिळवत विजयात मोलाचा वाटा उचलला.
पहिल्या उपांत्य लढतीत विनर स्पोर्टस मराठा पंजाबने गावदेवी चांदीप संघावर ८ गडी राखून दणदणीत विजय मिळवला. शाहिद शेख नाबाद (२५) व सुमित ढेकळे (२३) हे विनरच्या विजयाचे शिल्पकार ठरले. दुसऱ्या उपांत्य लढतीत डोंबिवलीच्या शांतिरत्न प्रतिकने मुंबईच्या शिवशक्ती पाले सँडी संघावर ७ गडी राखून विजय मिळवत अंतिम फेरीत धडक मारली होती. आकाश तारेकर (नाबाद २४) व एजाज कुरेशी (१५) यांनी शांतिरत्नच्या विजयात महत्त्वपूर्ण भूमिका निभावली.
हेही वाचा -