रेशनिंग वितरण नियंत्रक चंद्रकांत डांगे यांच्या मार्गदर्शनाखाली 16 जून 2026 रोजी विजिलन्स पथकाने वडाळा परिसरात छापा टाकला. कारवाईदरम्यान दोन इंधन टँकरची सील तोडून प्लास्टिकच्या कॅनमध्ये इंधन काढून चोरी केली जात असल्याचे उघड झाले.
पथकाने घटनास्थळी एका व्यक्तीला रंगेहात पकडले. तपासात प्लास्टिक पाईप आणि व्हॉल्व्हच्या साहाय्याने 20 लिटर क्षमतेच्या प्लास्टिक कॅनमध्ये इंधन काढले जात असल्याचे समोर आले.
तपासणीदरम्यान MH-04 KU-1826 या टँकरमध्ये 10 हजार लिटर पेट्रोल आणि 14 हजार लिटर डिझेल, तर MH-04 LY-6388 या टँकरमध्ये 29 हजार लिटर विमान इंधन (ATF) आढळून आले.
या कारवाईत पेट्रोल, डिझेल आणि ATFसह संबंधित टँकर व इतर साहित्य असा एकूण 1.31 कोटी रुपयांचा मुद्देमाल जप्त करण्यात आला.
ही कारवाई वितरण उपनियंत्रक गणेश बेल्लाले, माधुरी शिंदे, मुख्य निरीक्षण अधिकारी नागनाथ हुंगरगे, वितरण अधिकारी गणेश पवार, सहायक वितरण अधिकारी योगेश्वर मोरे तसेच वितरण निरीक्षक रामराजे भोसले, चंद्रकांत कांबळे, विकास नागदिवे, राहुल इंगळे आणि अरुण काटे यांच्या पथकाने केली.
अन्न व नागरी पुरवठा विभागाने सांगितले की, प्रकरणाचा पुढील तपास सुरू असून संबंधितांविरुद्ध आवश्यक कायदेशीर कारवाई केली जात आहे.
हेही वाचा